വയനാട് ഉരുൾപൊട്ടൽ ദുരന്തം കേരളത്തെ മുഴുവൻ പിടിച്ചുലച്ചിരിക്കുകയാണ്. സംസ്ഥാനത്തെ എല്ലാ ജില്ലകളിൽ നിന്നും നിരവധിപ്പേർ വയനാട്ടിലേക്ക് വേണ്ടുന്ന സഹായങ്ങൾ എത്തിക്കുകയാണ്. അക്കൂട്ടത്തിൽ നടി നിഖില വിമൽ അവശ്യ സാധനങ്ങൾ ശേഖരിക്കുന്ന കളക്ഷൻ സെന്ററിൽ സജീവമായി പ്രവർത്തിക്കുന്നതിന്റെ ദൃശ്യങ്ങളാണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടുന്നത്.ഡിവൈഎഫ്ഐയുടെ നേതൃത്വത്തില് വയനാട്ടിലേക്ക് അവശ്യസാധനങ്ങള് എത്തിക്കുന്ന തളിപ്പറമ്പ കളക്ഷന് സെന്ററിലാണ് നിഖില വളണ്ടിയര് പ്രവര്ത്തിക്കുന്നത്. രാത്രി ഏറെ വൈകിയിട്ടും മറ്റ് വളണ്ടിയര്മാര്ക്കൊപ്പം കലക്ഷന് സെന്ററിലെ പ്രവര്ത്തനങ്ങളില് നിഖില പങ്കാളിയായി
സജീവമായി പ്രവര്ത്തിക്കുന്ന താരത്തിന്റെ വീഡിയോ ഡിവൈഎഫ്ഐ ഔദ്യോഗിക പേജില് പങ്കുവച്ചു. നിഖിലയെ അഭിനന്ദിച്ചും പ്രശംസിച്ചും നിരവധി പേരാണ് രംഗത്തെത്തുന്നത്. പ്രാര്ഥനയിലും പോസ്റ്റിലും മാത്രം ഒതുങ്ങാതെ നേരിട്ടിറങ്ങി പ്രവര്ത്തിക്കാന് നിഖില കാണിച്ച മനസ് കയ്യടി അര്ഹിക്കുന്നു എന്നിങ്ങനെയുള്ള കമന്റുകളാണ് ഈ പോസ്റ്റിന് താഴെ എത്തുന്നത്.മറ്റുള്ളവര്ക്ക് മാതൃകയാണ് നിഖിലയുടെ ഈ പ്രവര്ത്തികളെന്നും ചിലര് കമന്റ് ചെയ്തു
കണ്ണൂര് തളിപ്പറമ്പ് സ്വദേശിയാണ് നിഖില വിമല്. നിലപാടുകളും രാഷ്ട്രീയവും എന്നും തുറന്നു പറയുന്നതില് മടി കാണിക്കാത്ത താരമാണ് നിഖില വിമല്. ഇതിന്റെ പേരില് പലപ്പോഴും സൈബര് ആക്രമണങ്ങള് നേരിടേണ്ടി വന്നിട്ടുണ്ട്. എങ്കിലും കൃത്യമായ അഭിപ്രായങ്ങള് എപ്പോഴും താരം തുറന്നു പറയാറുണ്ട്. അതേസമയം മുണ്ടക്കൈ ചൂരൽമലയിലുണ്ടായ ഉരുൾപൊട്ടലിന്റെ പശ്ചാത്തലത്തിൽ വയനാടിനായി മറ്റു താരങ്ങളും രംഗത്തുവന്നിട്ടുണ്ട്. സർക്കാർ നിർദേശങ്ങൾ പൂർണ്ണമായും പാലിച്ച് സുരക്ഷിതരായി കഴിയാനും യാത്രകൾ പരമാവധി ഒഴിവാക്കണമെന്നും തെറ്റായ വാർത്തകൾ പ്രചരിപ്പിക്കരുതെന്നും താരങ്ങൾ സോഷ്യൽ മീഡിയയിലൂടെ പറഞ്ഞു
