നടൻ ബിജു മേനോനുമായുള്ള വിവാഹത്തോടെ അഭിനയം ഉപേക്ഷിച്ചതിന് ശേഷം പൊതു പരിപാടികളിൽ ഒന്നും സംയുക്ത വർമ്മ അതിഥിയായി ഒന്നും എത്താറില്ലായിരുന്നു. നടി മഞ്ജു വാര്യരെ പോലെ വിവാഹശേഷം കുടുംബവുമായി ഒതുങ്ങി ജീവിക്കുകയായിരുന്നു താരം . എന്നാലിപ്പോൾ ഒരു പ്രോഗ്രാമിന്റെ ഭാഗമായിട്ടുള്ള ഒരു ചടങ്ങിൽ അതിഥിയായി നടി സംയുക്ത വർമ്മ പങ്കെടുത്തതിന്റെ വിശേഷങ്ങളും വീഡിയോയുമാണ് ഇപ്പോൾ സോഷ്യൽ മീഡിയയിൽ നിറയുന്നത്.
ചടങ്ങിന്റെ വീഡിയോകൾ സമൂഹമാധ്യമങ്ങളിൽ പ്രത്യക്ഷപ്പെട്ടപ്പോൾ ഏറ്റവും കൂടുതൽ വൈറലായത് സുരേഷ് ഗോപിയെ കണ്ടയുടൻ ഓടി വന്ന് കെട്ടിപിടിച്ച സംയുക്തയുടെ വീഡിയോയാണ്. ഉദ്ഘാടന വേദിക്കരികിൽ സംയുക്തയെ കണ്ടയുടൻ സുരേഷ് ഗോപി അടുത്തേക്ക് വിളിച്ചു. ഉടൻ ഓടി വന്ന സംയുക്ത സുരേഷ് ഗോപിയെ കെട്ടിപിടിച്ച് സ്നേഹം പ്രകടിപ്പിച്ചു.
സുരേഷ് ഗോപിയെ കെട്ടിപിടിക്കുന്ന സംയുക്തയുടെ വീഡിയോ പുറത്ത് വന്നപ്പോൾ കണ്ണേട്ടനേയും മീനാക്ഷിയേയും വീണ്ടും ഒറ്റ ഫ്രെയിമിൽ കാണാൻ കഴിഞ്ഞ സന്തോഷമായിരുന്നു ആരാധകർക്ക്. അതേസമയം കഴിഞ്ഞ ദിവസം മാതൃഭൂമി ഡയറക്ടറും സിനിമാ നിർമ്മാതാവുമായിരുന്ന പി.വി ഗംഗാധരന്റെ സ്മരണക്കായി കോഴിക്കോട് സംഘടിപ്പിച്ച ദ്വിദിന ചലച്ചിത്ര ശില്പശാലയായ ഗംഗാതരംഗത്തിൽ പങ്കെടുക്കാനാണ് സംയുക്ത വർമ്മ എത്തിയത്.
സമാപന സമ്മേളനം കേന്ദ്രമന്ത്രി സുരേഷ് ഗോപിയായിരുന്നു ഉദ്ഘാടനം ചെയ്തത്. സംയുക്ത വർമ്മയെ കൂടാതെ ജിയോ ബേബി, കൈതപ്രം ദാമോധരൻ നമ്പൂതിരി, സത്യൻ അന്തിക്കാട് തുടങ്ങിയ മലയാള സിനിമയിലെ പ്രമുഖരും ചടങ്ങിൽ പങ്കെടുക്കാൻ എത്തിയിരുന്നു.
സുരേഷ് ഗോപിയെയും സംയുക്ത വർമ്മയേയും കണ്ട സിനിമാ പ്രേക്ഷകർക്ക് അതിയായ സന്തോഷവുമുണ്ട് ഇപ്പോൾ. ഒരു കാലത്ത് ഹിറ്റ് സൃഷ്ടിച്ച നായകനും നായികയും എന്നതിനപ്പുറം ഒരു അനിയത്തിയോടുള്ള വാത്സല്യം എപ്പോഴും സുരേഷ് ഗോപിക്ക് സംയുക്തയോടുണ്ട്. മാത്രമല്ല ഇരുവരും കുടുംബ സുഹൃത്തുക്കൾ കൂടിയാണ്. അഞ്ചോളം സിനിമകളിൽ ഇരുവരും ഒരുമിച്ച് അഭിനയിച്ചിട്ടുണ്ട്. അതിൽ ഒരു സിനിമയിൽ സുരേഷ് ഗോപിയുടെ സഹോദരിയുടെ വേഷമായിരുന്നു സംയുക്തയ്ക്ക്.
‘മേഘസന്ദേശം’ അടക്കം നിരവധി സിനിമകളിൽ ഇരുവരും ജോഡികളായി അഭിനയിച്ചിട്ടുണ്ടെങ്കിലും എന്നും മലയാളികൾക്ക് ഇഷ്ടം ‘തെങ്കാശിപ്പട്ടണ’മാണ്. അഭിമുഖങ്ങളിലെല്ലാം സുരേഷ് ഗോപിയെ കുറിച്ച് സംയുക്ത സംസാരിച്ചിട്ടുമുണ്ട്. സുരേഷേട്ടൻ തനിക്ക് ബ്രദറാണ് എന്നാണ് സുരേഷ് ഗോപിയെപ്പറ്റി സംയുകത പറയാറുള്ളത്. എന്നെ പോലെതന്നെ ആഭരണങ്ങൾ അദ്ദേഹത്തിന് വലിയ ഇഷ്ടമാണ്. ഭാര്യ രാധികയ്ക്ക് ആഭരണങ്ങൾ വാങ്ങികൊടുക്കുന്നത് സുരേഷേട്ടനാണ്. രാധിക ചേച്ചിയുടെ കൈയ്യിൽ ആഭരണങ്ങളുടെ നല്ല കലക്ഷൻ തന്നെയുണ്ട്. സുരേഷേട്ടൻ അതൊക്കെ നന്നായി എഞ്ചോയ് ചെയ്യുന്ന ആളാണ്. ഈശ്വരാ ഇങ്ങനെ ഒരു അച്ഛനോ ഏട്ടനോ ഭർത്താവോ ആരെങ്കിലും ഉണ്ടായിരുന്നെങ്കിലെന്ന് തോന്നിയിട്ടുണ്ട് എന്നും സംയുക്ത വർമ്മ മുൻപ് നൽകിയ ഒരു അഭിമുഖ്ത്തിൽ പറഞ്ഞിരുന്നു .
‘ബിജു ചേട്ടനെ പോലെ മുത്തുക്കുട പിടിച്ചൂടേ, വെഞ്ചാമരം പിടിച്ചൂടേ’ എന്നൊന്നും ചോദിക്കുന്ന ആളല്ലെന്നാണ് സുരേഷ് ഗോപിയെ കുറിച്ച് സംസാരിക്കവെ സംയുക്ത മുമ്പൊരിക്കൽ പറഞ്ഞത്. സുരേഷ് ഗോപിയെ പോലെ തന്നെ സംയുക്തയ്ക്കും ആഭരണങ്ങൾ വാങ്ങാനും അണിയാനും താല്പര്യമുള്ളയാളാണ് . പൊതു ചടങ്ങുകളിൽ നടി പ്രത്യക്ഷപ്പെടുമ്പോൾ ഫാഷൻ പ്രേമികളുടെയെല്ലാം ശ്രദ്ധ സംയുക്ത അണിഞ്ഞിരിക്കുന്ന ആഭരണങ്ങളിലേക്കാണ്.
അവസാനമായി സുരേഷ് ഗോപിക്കൊപ്പം സംയുക്ത അഭിനയിച്ചത് ‘നരിമാൻ’ എന്ന സിനിമയിലാണ്. അതേസമയം അഭിനയം ഉപേക്ഷിച്ചതിന് ശേഷം പൊതു പരിപാടികളിൽ അതിഥിയായി പ്രത്യക്ഷപ്പെടുന്ന ശീലമൊന്നും നടി സംയുക്ത വർമയ്ക്ക് ഇല്ലായിരുന്നു. വളരെ വിരളമായി മാത്രമാണ് ഇത്തരം ചടങ്ങുകളിൽ നടി പ്രത്യക്ഷപ്പെട്ടിരുന്നത്. സെലിബ്രിറ്റികളുടെ വിവാഹം പോലുള്ളവയ്ക്ക് കുടുംബ സമേതം സംയുക്ത എത്താറുണ്ട്. സിനിമ വിട്ടതിന് ശേഷം മാഗസീനുകൾക്ക് വേണ്ടി പോലും വളരെ വിരളമായി മാത്രമെ സംയുക്ത മോഡലിങ് ചെയ്തിട്ടുള്ളു. അഭിമുഖങ്ങളും നൽകാറില്ലായിരുന്നു.
