പ്രേക്ഷക പ്രിയങ്കരനായ നടനാണ് കുഞ്ചാക്കോ ബോബൻ, ഇപ്പോൾ താരത്തിന്റെ പുതിയ ചിത്രം ഓഫീസര് ഓണ് ഡ്യൂട്ടി തീയറ്ററുകളിൽ ഗംഭീരപ്രേഷക പ്രതികരണവുമായി മുന്നേറുകയാണ്.ഈ ചിത്രത്തിൽ ചാക്കോച്ചന്റെ നായിക ആയി എത്തിയത് പ്രിയാമണി ആയിരുന്നു. ഈ ചിത്രത്തിൽ കുഞ്ചാക്കോ ബോബനും പ്രിയാമണിയും ആദ്യമായി ഒന്നിച്ചുവെന്ന പ്രത്യേകതയും ഈ സിനിമക്കുണ്ടായിരുന്നു. ഇപ്പോൾ പ്രിയ മണിയെ കുറിച്ച് നടൻ പറഞ്ഞ വാക്കുകളാണ് കൂടുതൽ ശ്രദ്ധ നേടുന്നത്. താന് പ്രിയാമണിയുടെ കൂടെ അഭിനയിക്കുമ്പോള് ഏറെ കംഫേര്ട്ടബിളായിരുന്നു.
താന് ഓഫീസര് ഓണ് ഡ്യൂട്ടിയില് നന്നായി അഭിനയിച്ചിട്ടുണ്ടെങ്കില് , അതിന്റെ ക്രഡിറ്റ് ശരിക്കും പ്രിയമണിക്കും കൂടിയുള്ളതാണ്, പ്രിയാമണി ഒരു നാഷണല് അവാര്ഡ് ജേതാവാണ്. അപ്പോള് പിന്നെ അവളുടെ അഭിനയത്തെ കുറിച്ച് കൂടുതലൊന്നും പറയേണ്ട ആവശ്യമില്ലല്ലോ, ഒരു സിനിമ ചെയ്യുമ്പോള് ആ കഥാപാത്രത്തിന്റെ മൂഡിലേക്ക് പോകുക എന്നൊരു പ്രോസസുണ്ട്. അതില് ഏറെ വിശ്വസിക്കുന്ന ആളാണ് ഞാന്.
മേക്കപ്പും കോസ്റ്റിയൂമുമൊക്കെ ഇട്ട് കഴിഞ്ഞ ശേഷം സെറ്റിലേക്ക് വരുമ്പോള് നമ്മള് പിന്നെ ആ കഥാപാത്രമാണ്. എന്നാല് കൂടെ അഭിനയിക്കുന്ന ആളും അങ്ങനെ തന്നെ ചിന്തിച്ചാല് മാത്രമേ അവിടെ കാര്യമുള്ളൂ. അതുകൊണ്ടു ഞാൻ ആ സിനിമയിൽ നല്ല അഭിനയം കാഴ്ച്ച വെച്ചിട്ടുണ്ടെങ്കിൽ അതിന്റെ ക്രഡിറ്റ് പ്രിയാമണിക്കും കൂടിയുള്ളതാണ് കുഞ്ചാക്കോ ബോബൻ പറയുന്നു.
