ബാലതാരമായി അഭിനയ ലോകത്തേക്ക് എത്തിയതാണ് ഡിംപിള് റോസ്.പിന്നീട് നായികയായും സഹതാരമായും എല്ലാം മിനിസ്ക്രീനില് നിറഞ്ഞു നിന്നു. വിവാഹത്തിന് ശേഷം അഭിനയത്തില് നിന്നും ബ്രേക്ക് എടുത്തുവെങ്കിലും സോഷ്യല് മീഡിയയില് ഡിംപിള് സജീവമായിരുന്നു.ഇന്ന് നടിയുടെ മുപ്പത്തി രണ്ടാം ജന്മദിനമാണ്. തന്റെ തന്നെ മനോഹരമായ ചിത്രങ്ങള്ക്കൊപ്പം ഈ പ്രായത്തില് താന് തിരിച്ചറിയുന്ന ചില കാര്യങ്ങളെ കുറിച്ച് ഡിംപിള് വളരെ മനോഹരമായ ഒരു പോസ്റ്റ് പങ്കുവച്ചു.സ്വയം സ്നേഹിക്കുന്നതിനെക്കാള് പ്രധാനമല്ല മറ്റൊന്നും എന്ന് തിരിച്ചറിയുന്ന പ്രായത്തിലേക്ക് ഞാന് എത്തി.
ഈ ജീവിതത്തില് ഞാന് എത്ര ദൂരം പിന്നിട്ടു എന്നതില് എനിക്ക് അഭിമാനമുണ്ട്. 32 വയസ്സ്, ഇത് വളരെ ചെറിയ പ്രായമല്ലേ എന്ന് മറ്റുള്ളവര്ക്ക് തോന്നിയേക്കാം. പക്ഷേ എന്നെ സംബന്ധിച്ച് അത് അങ്ങനെയല്ല. ഇന്നത്തെ ഈ അവസ്ഥയിലേക്ക് എത്താന് ഒന്നൊന്നായി എനിക്ക് മലകള് കയറേണ്ടി വന്നു. എന്റെ മുന്നില് ഇനി മലകളൊന്നും ഇല്ല എന്ന് ഞാന് പറയുന്നില്ല. പക്ഷേ മുമ്പ് ഞാന് കയറിയ എല്ലാ മലകളും ഉപയോഗിച്ച്, എനിക്ക് മുന്നില് മറ്റൊരു മലയുടെ കൊടുമുടിയിലെത്താന് കഴിയുമെന്ന് എനിക്കറിയാം.
എനിക്ക് ഹാപ്പി ബര്ത്ത് ഡേ, എല്ലാ കഷ്ടപ്പാടുകള്ക്കും വേദനകള്ക്കും പാഠങ്ങള്ക്കും ചിയേഴ്സ്, എല്ലാം എന്റെ ജീവിതത്തിന്റെ വളര്ച്ചയാണ്’ ഡിംപിള് പറഞ്ഞു.നടിയ്ക്ക് ആശംസകള് അറിയിച്ച് നിരവധി കമന്റുകളാണ് പോസ്റ്റിന് താഴെ വരുന്നത്. ഡിംപിള് തന്റെ ജീവിതത്തില് അനുഭവിച്ച ഏറ്റവും വലിയ വേദന തന്റെ പ്രസവവും, മകന്റെ മരണവും ആയിരുന്നു. ഇരട്ടക്കുട്ടികളെ ഗര്ഭം ധരിച്ച ഡിംപിള്. അഞ്ച് , ആറ് മാസത്തിനുള്ളില് തന്നെ അത് കോംപ്ലിക്കേറ്റഡ് ആയി. മാസം തികയുന്നതിന് മുന്നേ രണ്ട് കുഞ്ഞുങ്ങളെ പ്രസവിച്ച ഡിംപിളിന് ഒരു കുഞ്ഞിനെ നഷ്ടപ്പെട്ടു.
