രോഗബാധിതനായ മമ്മൂട്ടിക്ക് വേണ്ടി നടൻ മോഹൻലാൽ ശബരിമലയിൽ വഴിപാട് കഴിപ്പിച്ചത് മാധ്യമങ്ങളിൽ വലിയ വാർത്തയായി എത്തിയിരുന്നു, ഇപ്പോൾ അസുഖബാധിതനായ മമ്മൂട്ടിക്കുവേണ്ടി ശബരിമലയില് മോഹന്ലാല് വഴിപാട് കഴിച്ചതിനെതിരെ മാധ്യമം ദിനപ്പത്രത്തിന്റെ മുന് എഡിറ്ററും, ജമാ അത്തെ ഇസ്ലാമി പ്രഭാഷകനുമായ ഒ അബ്ദുള്ള രംഗത്ത്. യു ട്യൂബ് ചാനലിലൂടെയാണ് ഒ അബ്ദുള്ള നടന്മാർക്കെതിരെ രൂക്ഷ പരമാർശം നടത്തിയിരിക്കുന്നത്. മമ്മൂട്ടിയുടെ അറിവോടെയാണ്, മോഹന്ലാല് അത് ചെയ്തതെങ്കില് മമ്മൂട്ടി തൗബ ചെയ്യണം, മുസ്ലീം സമുദായത്തോട് മാപ്പു പറയണ൦ അബ്ദുള്ള ആവശ്യപ്പെട്ടു.
അതല്ല ,ഇത് മമ്മൂട്ടി പറഞ്ഞ് എല്പ്പിക്കാതെ, മോഹന്ലാലിന്റെ വിശ്വാസം അനുസരിച്ച് ചെയ്തതാണെങ്കില്, ആ സംഭവത്തില് മമ്മൂട്ടി നിരപരാധിയാണ്, അദ്ദേഹത്തെ ഒട്ടും തന്നെ വിമര്ശിക്കാന് പാടില്ല. കാരണം മോഹന്ലാലിന്റെ ശബരിമല ശാസ്താവിലുള്ള വിശ്വാസം ആത്രത്തോളം വലുതാണ്. ആ വിശ്വാസത്തിന്റെ അടിസ്ഥാനത്തില് അദ്ദേഹം ചെയ്തതാണെങ്കില് പ്രശ്നമില്ല. പക്ഷേ മമ്മൂട്ടി പറഞ്ഞ് എല്പ്പിച്ചാണ് ചെയ്തതെങ്കില് അത് മഹാ അപരാധമാണ് , കാരണം, അള്ളാഹുവിന് മാത്രമെ വഴിപാടുകള് അര്പ്പിക്കാന് പാടുള്ളൂ. അള്ളാഹുവിനോട് മാത്രമേ വിളിച്ച് പ്രാര്ത്ഥിക്കാന് പാടുള്ളൂ, അള്ളാഹുവിനോടെ സഹായം തേടാന് പാടുള്ളൂ. ഇതിന്റെ എല്ലാം ലംഘനമാണ് അത്.
പ്രവാചകന്റെ കാലത്തുതന്നെ ഇത് വിലക്കപ്പെട്ടതാണ്, ലാത്ത, മനാത്തയാവട്ടെ, ഉസ്സയാവട്ടെ ശബരിമല ശാസ്താവാട്ടെ അള്ളാഹുവിന്റെ ഏകത്വത്തില് പങ്കുചേര്ക്കാനോ, അതിന് വിരുദ്ധമായത് പ്രവര്ത്തിക്കുന്നത് എന്ത് കാരണത്താലും ശരിയല്ല. മമ്മൂട്ടിയില്നിന്ന് ഇക്കാര്യത്തില് വിശദീകരണം ആവശ്യമാണ്. അദ്ദേഹം അറിഞ്ഞുകൊണ്ട് ചെയ്തതാണോ എന്ന്, സമുദായത്തോട് വ്യക്തമാക്കണം. ഇല്ലെങ്കില് വലിയൊരു വ്യതിയാനമായി അതിനെ, കണക്കാക്കപ്പെടും. പ്രത്യേകിച്ച് റമാദാന് മാസത്തില്, അത് ഒരിക്കലം അനുവദിക്കാന് പാടില്ല. മുസ്ലീം മതപണ്ഡിതന്മാര് ഇക്കാര്യത്തില് ഇടപെടണമെന്നും ഒ അബ്ദുല്ല പറയുന്നു,
