‘തന്മാത്ര’ എന്ന ചിത്രത്തിലൂടെ മലയാളികള്ക്ക് പ്രിയങ്കരിയായി മാറിയ മീര വാസുദേവന്, മലയാളികളുടെ വീട്ടിലെ ഒരംഗമായി മാറിയത് ‘കുടുംബവിളക്ക്’ എന്ന സീരിയലിലൂടെയാണ്. കുടുംബവിളക്കിന്റെ ഉള്പ്പടെ നിരവദി സീരിയലുകളുടെ ക്യാമറമാന് ആയ വിപിനാണ് മീരയുടെ ഭര്ത്താവ്. 2024 ല് ആണ് മീര വാസുദേവന്റെയും വിപിന്റെയും വിവാഹം കഴിഞ്ഞത്. മീരയെക്കാള് പ്രായം കുറഞ്ഞ ആളാണെങ്കിലും, അവരുടെ പ്രണയവും പക്വതയും അതിലും മുകളിലായിരുന്നു.ഇപ്പോഴിതാ, വിപിന് മനോഹരമായ ഒരു ബര്ത്ത് ഡേ പോസ്റ്റുമായി എത്തിയിരിക്കുകയാണ് മീര വാസുദേവന്.
തനിക്കും മകനും നല്കിയ വാക്ക് പാലിക്കുന്നതിന് ഭര്ത്താവിന് മീര അഭിനന്ദനമറിയിക്കുന്നു. എന്റെ ജീവിതദത്തിന്റെ പ്രണയമായ വിപിന് പുതിയാങ്കത്തിന് ജന്മദിനാശംസകള്. ജീവിതത്തിലുടനീളം നിങ്ങളുടെ കൃപയെ ഞാന് അഭിനന്ദിക്കുന്നു. എന്നോടും നമ്മുടെ മകനോടും സ്നേഹവും ജീവിതവും നല്കുമെന്ന നിങ്ങളുടെ വാഗ്ദാനം പാലിക്കുന്നതിനെ ഞാന് അഭിനന്ദിക്കുന്നു. എന്റെ ജീവിതകാലം മുഴുവന് നിങ്ങളെ എനിക്ക് മാത്രമായി ലഭിച്ചതില് വളരെ നന്ദി, എന്ന് നിങ്ങളുടെ ഭാര്യ എന്ന് പറഞ്ഞാണ് മീരയുടെ ഇന്സ്റ്റഗ്രാം പോസ്റ്റ് അവസാനക്കുന്നത്.
പ്രമുഖ ഛായാഗ്രഹകന് അശോക് കുമാറിന്റെ മകന് വിശാല് അഗര്വാള് ആയിരുന്നു മീര വാസുദേവന്റെ ആദ്യ ഭര്ത്താവ്. എന്നാൽ ആ ബന്ധം വേര്പിരിയുകയും ചെയ്തു. പിന്നീട് നടനും മോഡലുമായ ജോണ് കൊക്കനുമായുള്ള വിവാഹം നടന്നു. ആ ബന്ധത്തിലാണ് മീരയ്ക്ക് മകന് പിറന്നത്. 2016 ല് ജോണ് കൊക്കനുമായി വേര്പിരിഞ്ഞതിന് ശേഷം മീര മകനൊപ്പം സിംഗിള് ലൈഫ് ജീവിക്കുകയായിരുന്നു. ഇപ്പോള് മകനും മീരയ്ക്കും കൂട്ടാണ് വിപിന്.
