നടിയെ അപകീർത്തിപ്പെടുത്തുന്ന തരത്തിലുള്ള എഐ ഡീപ്ഫേക്ക് വിവാദങ്ങൾക്കിടയിൽ, തന്റെ ചിത്രം ഉപയോഗിച്ച് വ്യാജ വിവരങ്ങൾ പ്രചരിപ്പിച്ച സംഭവത്തിൽ മുന്നറിയിപ്പുമായി ഹൈദരാബാദ് സിറ്റി പൊലീസ് കമ്മീഷണർ വി.സി. സജ്ജനാർ. തന്റെ വ്യാജ എഐ ചിത്രം പ്രചരിപ്പിക്കുന്നതിൽ ഇടപെടണമെന്ന് ആവശ്യപ്പെട്ട് അദ്ദേഹം ടോളിവുഡ് താരം ജൂനിയർ എൻ.ടി.ആറിന് ഔദ്യോഗികമായി നിർദ്ദേശം നൽകി.
ജാൻവി കപൂറുമായുള്ള ബന്ധപ്പെട്ട എഐ ഡീപ്ഫേക്ക് വിവാദവുമായി ബന്ധപ്പെട്ട്, പ്രതിയെ അറസ്റ്റ് ചെയ്തു എന്ന വ്യാജ അവകാശവാദത്തോടെ കമ്മീഷണറുടെ ചിത്രം സഹിതം ചില സമൂഹ മാധ്യമ അക്കൗണ്ടുകൾ രംഗത്തെത്തിയിരുന്നു. ഈ ചിത്രം തികച്ചും നിർമ്മിതമാണെന്നും (AI-generated) യഥാർത്ഥമല്ലെന്നും വ്യക്തമാക്കിയാണ് കമ്മീഷണർ രംഗത്തെത്തിയത്. ചിത്രത്തിന്റെ ആധികാരികത പരിശോധിക്കാതെ ഇത്തരം വ്യാജ വിവരങ്ങളും ഡീപ്ഫേക്കുകളും ഷെയർ ചെയ്യരുതെന്ന് അദ്ദേഹം ജനങ്ങൾക്ക് കർശന മുന്നറിയിപ്പ് നൽകി.
വ്യാജ ചിത്രങ്ങൾ നിർമ്മിക്കുന്നതിനും പ്രചരിപ്പിക്കുന്നതിനുമെതിരെ ശക്തമായ നിലപാടെടുത്ത കമ്മീഷണർ, തന്റെ ചിത്രം ചില ആരാധകർ ദുരുപയോഗം ചെയ്യുന്നത് ശ്രദ്ധയിൽപ്പെടുത്താൻ ജൂനിയർ എൻ.ടി.ആറിനെ ടാഗ് ചെയ്യുകയായിരുന്നു. വ്യാജ നിർമ്മിതികളും തെറ്റായ വാർത്തകളും സമൂഹ മാധ്യമങ്ങളിൽ അതിവേഗം പ്രചരിക്കുന്നത് തടയാൻ താരങ്ങളും ആരാധക സംഘടനകളും ശ്രദ്ധിക്കണമെന്നാണ് പൊലീസ് നൽകുന്ന പ്രധാന നിർദ്ദേശം.
