ജിത്തു മാധവൻ സംവിധാനം ചെയ്യുന്ന ‘സീൻ’ (Scene) സിനിമയുടെ ട്രെയിലർ ലോഞ്ച് ചടങ്ങിനിടയിൽ ചുവപ്പ് സാരിയിൽ ഗ്ലാമറസ് ലുക്കിൽ എത്തിയ നടി നസ്രിയ നസീമിന്റെ ചിത്രങ്ങൾ സോഷ്യൽ മീഡിയയിൽ വലിയ രീതിയിൽ തരംഗമായിരുന്നു. വസ്ത്രധാരണത്തിന്റെ പേരിൽ ഓൺലൈനിൽ ചില കോണുകളിൽ നിന്ന് വിമർശനങ്ങളും അധിക്ഷേപങ്ങളും നേരിടേണ്ടി വന്ന നടിക്ക് പിന്തുണയുമായി നിരവധി പ്രമുഖർ രംഗത്തെത്തിയിരുന്നു.
തന്റെ പുതിയ ലുക്കിനെതിരെ വന്ന വിമർശനങ്ങൾക്ക് അതേ നാണയത്തിൽ സ്റ്റൈലിഷായി മറുപടി നൽകിയ നസ്രിയ, തന്നെ പിന്തുണച്ചുകൊണ്ട് കൂടെ നിന്ന നടി ശ്രിന്ദയ്ക്ക് നന്ദി അറിയിക്കുകയും ചെയ്തു. സൂര്യ നായകനാകുന്ന ഈ ചിത്രത്തിലൂടെ നീണ്ട ഇടവേളയ്ക്ക് ശേഷമാണ് നസ്രിയ തമിഴ് സിനിമയിലേക്ക് തിരിച്ചെത്തുന്നത്. സുഷിൻ ശ്യാം സംഗീതം നിർവഹിക്കുന്ന ചിത്രം നവംബർ ആറിന് തിയേറ്ററുകളിലെത്തും.
