ഒരുകാലത്ത് മലയാള സിനിയിൽ തിളങ്ങി നിന്നിരുന്ന താരമാണ് ദിവ്യ ഉണ്ണി, മലയാളത്തിലെ ഒട്ടുമിക്ക നടന്മാരുടെ കൂടെയും ദിവ്യ അഭിനയിച്ച് കഴിഞ്ഞു. നടി മാത്രമല്ല മികച്ചൊരു നർത്തകി കൂടിയാണ് താരം. സിനിമയിൽ നിന്നും ഒഴിവായി ഇപ്പോൾ നൃത്തത്തിൽ ശ്രദ്ധ കേന്ദ്രീകരിച്ചിരിക്കുകയാണ് താരം, അമേരിക്കയിൽ ആണ് ദിവ്യ ഇപ്പോൾ.അവിടെ ഒരു നൃത്ത വിദ്യാലയം താരം നടത്തുന്നുണ്ട്. അതിനിടയിൽ സമൂഹമാധ്യമങ്ങളിൽ കുടുംബവിശേഷങ്ങൾ പങ്കുവയ്ക്കാനും ദിവ്യ ഉണ്ണി സമയം കണ്ടെത്താറുണ്ട്.
ഇപ്പോൾ തന്റെ ഇളയ മകളുടെ ചിത്രം പങ്കുവെച്ചിരിക്കുകയാണ് താരം, ഭാരത നാട്യത്തിനു വേണ്ടി ഒരുങ്ങിയ ദിവ്യയുടെ കൈയിൽ ഇരിക്കുന്ന കുഞ്ഞിന്റെ ചിത്രമാണ് പങ്കുവെച്ചിരിക്കുന്നത്. അണിഞ്ഞൊരുങ്ങിയിരിക്കുന്നത് താനാണെങ്കിലും മകളാണ് പോസ് ചെയ്യുന്നതെന്നാണ് ദിവ്യ ഉണ്ണി ചിത്രത്തിനൊപ്പം കുറിച്ചിരിക്കുന്നത്.
ജനുവരി 14 നു ആയിരുന്നു ദിവ്യക്ക് മകൾ പിറന്നത്, മകളുടെ വിശേഷങ്ങൾ എല്ലാം താരം പങ്കുവെക്കറുണ്ട്. കുഞ്ഞു മകൾ ഐശ്വര്യയെ കൂടാതെ ദിവ്യക്ക് രണ്ടു മക്കൾ കൂടിയുണ്ട്. എന്റെ മാമാട്ടിക്കുട്ടിയമ്മയ്ക്ക് എന്ന ചിത്രത്തില് ബാലതാരമായി അഭിനയിച്ചുകൊണ്ടായിരുന്നു മലയാള സിനിമയിലേയ്ക്കുള്ള താരത്തിന്റെ അരങ്ങേറ്റം. പ്രണയവര്ണ്ണങ്ങള്, ആകാശഗംഗ തുടങ്ങിയ ചിത്രങ്ങളിലെ താരത്തിന്റെ അഭിനയം ഏറെ ശ്രദ്ധിക്കപ്പെട്ടിരുന്നു.