ഹോളിവുഡ് സൂപ്പര് ഹീറോസിനെ കണ്ട് വളര്ന്ന മലയാളികള്ക്ക് മലയാളത്തിന്റേതായി ഒരു സൂപ്പര് ഹീറോയെ ലഭിക്കാന് പോവുകയാണ്. ബേസില് ജോസഫ് സംവിധാനത്തില് ടോവിനോ സൂപ്പര് ഹിറോ ആയി വരാന് ഇനി ദിവസങ്ങള് മാത്രം ബാക്കി നില്ക്കെ സിനിമയുടെ വിശേഷങ്ങള് ആണ് സോഷ്യല് മീഡിയ നിറയെ. ചിത്രത്തിന്റെ പ്രമോഷന് വര്ക്കുകള് തന്നെ ആരാധകരെ അമ്പരപ്പിക്കുകയാണ്. മലയാളത്തിലെ ആദ്യ സൂപ്പര്ഹീറോ മൂവി എന്ന വിശേഷണത്തോടെ എത്തുന്ന മിന്നല് മുരളി എന്ന ചിത്രത്തിന് മലയാളം ഇതുവരെ കാണാത്ത പ്രൊമോഷനാണ് അണിയറപ്രവര്ത്തകര് നല്കുന്നത്.
ഇപ്പോഴിതാ ഏറ്റവും പുതിയതായി ഇറങ്ങിയ ഒരു പ്രമോഷന് വീഡിയോ ആണ് പ്രേക്ഷകരുടെ മനം കവര്ന്നിരിക്കുന്നത്. റെസ്ലിങ് താരം ദി ഗ്രേറ്റ് ഖാലിയും മിന്നല് മുരളിയും നേര്ക്കുനേര് എത്തുന്ന വീഡിയോയാണ് നെറ്റ്ഫ്ലിക്സ് യൂട്യൂബിലൂടെ പുറത്തുവിട്ടിരിക്കുന്നത്. അമേരിക്കന് സൂപ്പര് ഹീറോ ആകുന്നതിനായി ഗ്രേറ്റ് ഖാലിയുടെ സൂപ്പര് ഹീറോ ടെസ്റ്റില് പങ്കെടുക്കുകയാണ് മിന്നല് മുരളി. പലവിധത്തില് ഗ്രേറ്റ് ഖാലി മിന്നല് മുരളിയെ പരീക്ഷിക്കുന്നത് വീഡിയോയില് കാണാം. ബാലതാരം വസിഷ്ഠ് ഉമേഷും ടൊവിനോക്ക് ഒപ്പം വീഡിയോയില് ഉണ്ട്. ഇടിമിന്നല് ഏല്ക്കുന്നതിലൂടെ അത്ഭുതശക്തികള് ലഭിക്കുന്ന മുരളി എന്ന യുവാവിന്റെ കഥയാണ് ‘മിന്നല് മുരളി’ എന്ന ചിത്രം പറയുന്നത്.
https://www.instagram.com/tv/CXqiLJlhjsX/?utm_source=ig_web_copy_link
വലിയ രീതിയിലുള്ള പ്രമോഷന് വര്ക്കുകള് ചെയ്തിരിക്കുന്ന സിനിമയ്ക്കായി അക്ഷമരായി കാത്തിരിക്കുകയാണ് പ്രേക്ഷകര്. സിനിമയ്ക്ക് അകത്തും പുറത്തും ഒരുപോലെ സൗഹൃദം കാത്തുസൂക്ഷിക്കുന്ന ബേസില് ടോവിനോ കൂട്ടുകെട്ടില് പിറക്കുന്ന ഈ സിനിമ മറ്റൊരു വമ്പന് ഹിറ്റായി മാറുമെന്ന് ആരാധകരും ഇപ്പോഴേ വിലയിരുത്തിയ മട്ടാണ്. പുതുതായി ഇറങ്ങിയ പ്രമോഷന് വീഡിയോ മഞ്ജു വാര്യര് അടക്കമുള്ള താരങ്ങള് എല്ലാം തങ്ങളുടെ സോഷ്യല് മീഡിയ അക്കൗണ്ടി വഴി ഷെയര് ചെയ്തിട്ടുണ്ട്.