മലയാള ടെലിവിഷന്‍ ചരിത്രത്തിലെ ഏറ്റവും വലിയ റിയാലിറ്റി ഷോ ആയ ബിഗ്‌ബോസ്സിന്റെ നാലാം സീസണിനായുള്ള കാത്തിരിപ്പിലാണ് പ്രേക്ഷകര്‍. ആരൊക്കെയാവും മത്സരാര്‍ത്ഥികള്‍ എന്ന ചര്‍ച്ചകള്‍ക്കുമേല്‍ പല പ്രവചനങ്ങളും സോഷ്യല്‍ മീഡിയയില്‍ സജീവമാണ്. എന്നാല്‍ ഷോ തുടങ്ങുന്ന ദിവസം മാത്രമാണ് ആരെല്ലാമാകും ബിഗ്‌ബോസ് വീടിനകത്തേക്ക് എത്തുക എന്ന കാര്യം പുറംലോകം അറിയാന്‍ പോകുന്നത്. ഇപ്പോഴിതാ വരാന്‍ പോകുന്ന നാലാം സീസണിനെ കുറിച്ച് കഴിഞ്ഞ സീസണിനെ മികച്ച മത്സരാര്‍ത്ഥികളിലൊരാളായ നടന്‍ അനൂപിന്റെ വാക്കുകളാണ് ശ്രദ്ധിക്കപ്പെടുന്നത്.
ഇത്തവണ മത്സരാര്‍ത്ഥികള്‍ക്ക് ശ്രദ്ധിച്ച് വോട്ട് ചെയ്യണം എന്നാണ് അനൂപ് പറയുന്നത്. നടന്റെ വാക്കുകള്‍ ഇങ്ങനെയായിരുന്നു… എനിക്ക് ഒന്നും രണ്ടും സീസണ്‍ കാണാന്‍ കഴിഞ്ഞില്ല. മാത്രമല്ല ഞാന്‍ ഇതുവരെ മൂന്നാം സീസണ്‍ കണ്ടിട്ടില്ല. പക്ഷേ ഇത്തവണ ഷോയുടെ ഓരോ എപ്പിസോഡും കാണാന്‍ ഞാന്‍ ആകാംക്ഷയോടെ കാത്തിരിക്കുകയാണ്. ഓരോ ജോലിയെയും സാഹചര്യത്തെയും ആളുകള്‍ എങ്ങനെ സമീപിക്കുമെന്ന് എനിക്കറിയണം. ഷോയില്‍ ഒരാളുടെ സ്വഭാവം എങ്ങനെ വികസിക്കുന്നു എന്ന് കാണുന്നത് രസകരമായിരിക്കും. പിന്നിലെ സീറ്റില്‍ ഇരുന്ന് ഡ്രൈവിംഗ് ആസ്വദിക്കുന്നത് വളരെ എളുപ്പമാണ്.
ഷോയെയും മത്സരാര്‍ത്ഥികളെയും നിഷ്‌കരുണം വിമര്‍ശിച്ചവരെല്ലാം ഇത്തവണ ബിഗ് ബോസില്‍ മത്സരാര്‍ഥികളായി എത്തിയിരുന്നെങ്കില്‍ എന്ന് ആഗ്രഹിക്കുന്നു.”അവര്‍ കാഴ്ചക്കാരാകുമ്പോള്‍ മാന്യതയില്ലാത്ത അടിസ്ഥാനമില്ലാത്ത അഭിപ്രായങ്ങള്‍ പ്രചരിപ്പിച്ചു. പക്ഷേ ഞങ്ങള്‍ മത്സരാര്‍ഥികള്‍ എന്തിലൂടെയാണ് കടന്നുപോയതെന്ന് അവര്‍ക്ക് അറിയുമായിരുന്നില്ല.
ചില രാഷ്ട്രീയക്കാരേയും മതനേതാക്കളെയും ബിബി ഹൗസിനുള്ളില്‍ കാണാന്‍ ഞാന്‍ ആഗ്രഹിക്കുന്നു. ഷോയിലും അവര്‍ അങ്ങനെ തന്നെയായിരിക്കുമോ എന്നറിയാന്‍ എനിക്ക് ആകാംക്ഷയുണ്ട്. ബിഗ് ബോസ് ഒരു ഗെയിം ഷോ ആണ്. ആരുടെയും വൈകാരിക നാടകങ്ങള്‍ കണ്ടിട്ടോ കപട രാഷ്ട്രീയ നിലപാടുകളിലോ വീഴരുത്. കഴിവിനും സ്‌പോര്‍ട്‌സ് മാന്‍ സ്പിരിറ്റിനും വോട്ട് ചെയ്യാന്‍ ഇത്തവണ എല്ലാവരും ശ്രമിക്കണം.’
