സിഐഡി മൂസ, ചെസ്സ് തുടങ്ങിയ ദിലീപ് ചിത്രങ്ങളിലൂടെ മലയാളികള്ക്ക് സുപരിചിതനായി മാറിയ വില്ലനാണ് ആശിഷ് വിദ്യാര്ത്ഥി. തന്റേതായ ശൈലിയിൽ വ്യത്യസ്തമായ വേഷങ്ങള് കൈകാര്യം ചെയ്യുന്ന ചുരുക്കം ചില സ്വഭാവ നടന്മാരില് ഒരാള് കൂടിയാണ് ആശിഷ് വിദ്യാർത്ഥി. ആദ്യ ഭാര്യയുമായി ആശിഷ് വിദ്യാർത്ഥി വിവാഹബന്ധം വേർപെടുത്തിയിരുന്നു.പിലൂ വിദ്യാര്ത്ഥിയായിരുന്നു ആശിഷിന്റെ ആദ്യ ഭാര്യ. 22 വര്ഷം ഒന്നിച്ച് ജീവിച്ചതിന് ശേഷമാണ് ആശിഷ് പിലൂവുമായുള്ള ബന്ധം ഉപേക്ഷിക്കുന്നത്. ഇരുവരും ഒന്നിച്ചിരുന്നാണ് വേര്പിരിയാനുള്ള തീരുമാനം എടുത്തതെന്നും’, ആശിഷ് ആദ്യ വിവാഹത്തെ കുറിച്ച് മുൻപ് പറഞ്ഞിരുന്നു. 2023 മെയ്യില് തന്റെ അറുപതാം വയസിൽ താരം രണ്ടാമതും വിവാഹിതനായത് വാർത്തകളിൽ ഒക്കെ ഇടം പിടിച്ചിരുന്നു.
ഒരു സര്പ്രൈസ് എന്നപോലെയാണ് താരം താന് വീണ്ടും വിവാഹിതനായ കാര്യം സമൂഹമാധ്യമത്തിലൂടെ അറിയിച്ചത്.ആസാം സ്വദേശിയായ രൂപാലി ബറുവയാണ് ആഷിഷിന്റെ രണ്ടാം ഭാര്യ. രണ്ടാം വിവാഹത്തിന് ശേഷം ആശിഷ് വിദ്യാര്ത്ഥിയും ഭാര്യ രൂപാലി ബറുവയും വലിയ രീതിയില് സൈബർ അറ്റാക്ക് നേരിടുന്നുണ്ട്.കഴിഞ്ഞ ദിവസം ബാലിയില് ഹണിമൂണ് ആഘോഷിക്കാൻ പോയ ചിത്രങ്ങള് പങ്കുവെച്ചപ്പോഴാണ് ഇരുവര്ക്കും നേരെ വീണ്ടും സൈബര് ആക്രമണം ഉണ്ടായത്. ഭാര്യയ്ക്കൊപ്പം ബാലിയില് നിന്നും പകര്ത്തിയ കപ്പിള് ഫോട്ടോ ആശിഷ് തന്നെയാണ് സോഷ്യല്മീഡിയയില് പങ്കുവെച്ചത്. ഇരുവരും ബാലിയുടെ പ്രകൃതി ഭംഗി ആസ്വദിക്കുന്നതും ഫോട്ടോയില് കാണാം.
ഇരുവരും വളരെ സന്തോഷത്തോടെയാണ് ചിത്രത്തില് പോസ് ചെയ്തിരിക്കുന്നത്. ഇങ്ങേരുടെയൊക്കെ യോഗം നോക്കണേ, നമ്മള്ക്കൊന്നും ഒരു പെണ്ണിനെ കിട്ടാനില്ല എന്ന് തുടങ്ങി ഒട്ടനവധി കമന്റുകള് ചിത്രത്തിന് ലഭിച്ചിട്ടുണ്ട്. ഇരുവരുടെയും പ്രായ വ്യത്യാസം രണ്ടാം വിവാഹം എന്നതൊക്കെ തന്നെയാണ് താര ദമ്പതികളെ കളിയാക്കാനുള്ള ആയുധമായി ഒരു വിഭാഗം സോഷ്യല്മീഡിയ ഉപഭോക്താക്കള് ഉപയോഗിച്ചിരിക്കുന്നത്.