ജങ്ക് ഫുഡ് നമ്മളെ കൂടുതൽ സമ്മര്ദത്തിലാക്കുന്നു എന്ന് ഗവേഷണങ്ങൾ പറയുന്നു.ജങ്ക് ഫുഡിന്റെ വർദ്ധിച്ചുവരുന്ന ഉപഭോഗം ഉൽക്കണ്ഠ, വിഷാദം എന്നിവയുൾപ്പെടെയുള്ള മാനസികാരോഗ്യ പ്രശ്നങ്ങൾ ഉണ്ടാകാനുള്ള ഉയർന്ന അപകടസാധ്യതയുമായി ഗണ്യമായി ബന്ധപ്പെട്ടിരിക്കുന്നുവെന്ന് വിദഗ്ധർ പറയുന്നു. പഞ്ചസാര, സംസ്കരിച്ച കാർബോഹൈഡ്രേറ്റ്, അനാരോഗ്യകരമായ കൊഴുപ്പ് എന്നിവയാൽ സമ്പന്നമായ ജങ്ക് ഫുഡ് കഴിക്കുന്നത് ശരീരത്തിന്റെ ഹോർമോൺ സന്തുലിതാവസ്ഥയെയും തലച്ചോറിന്റെ പ്രവർത്തനത്തെയും തടസ്സപ്പെടുത്തുകയും സമ്മർദ്ദത്തിന്റെ അളവ് വർദ്ധിപ്പിക്കുകയും ചെയ്യും. ഇത് മാനസികാവസ്ഥയിലെ മാറ്റങ്ങൾ,ക്ഷീണം എന്നിവയ്ക്ക് കാരണമാകും.
ഈ ശാരീരിക മാറ്റങ്ങൾ മാനസികാവസ്ഥയെയും സമ്മർദ്ദ പ്രതികരണങ്ങളെയും ഫലപ്രദമായി നിയന്ത്രിക്കാനുള്ള തലച്ചോറിന്റെ കഴിവിനെ ദുർബലപ്പെടുത്തും. പഞ്ചസാരയും കാർബോഹൈഡ്രേറ്റും കൂടുതലുള്ള ഭക്ഷണങ്ങൾ രക്തത്തിലെ പഞ്ചസാരയുടെ അളവ് വേഗത്തിൽ വർദ്ധിപ്പിക്കുന്നതിന് കാരണമാകുന്നു. ഇത് താൽക്കാലിക ഊർജ്ജം വർദ്ധിപ്പിക്കുന്നു. ഇത് ക്ഷീണം, മാനസികാവസ്ഥയിലെ മാറ്റങ്ങൾ എന്നിവയിലേക്ക് നയിക്കുന്നു.ജങ്ക് ഫുഡിൽ കലോറി കൂടുതലും പോഷകങ്ങൾ കുറവാണ്. മഗ്നീഷ്യം, ഒമേഗ-3, ബി വിറ്റാമിനുകൾ തുടങ്ങിയ അവശ്യ പോഷകങ്ങളുടെ അഭാവം നാഡീവ്യവസ്ഥയെ ദുർബലപ്പെടുത്തുകയും സ്ട്രെസ് ലെവൽ കൂട്ടുകയും ചെയ്യുന്നു.
