രുചിക്ക് മാത്രമല്ല, പോഷകമൂല്യവും ധാരാളമായി കൂണിൽ അടങ്ങിയിരിക്കുന്നു. ആന്റിഓക്സിഡന്റുകൾ, വിറ്റാമിനുകൾ, ധാതുക്കൾ എന്നിവയാൽ സമ്പന്നമായ കൂണുകൾ സൂപ്പർഫുഡായി കണക്കാക്കപ്പെടുന്നു. എന്നാൽ കൂൺ എല്ലാ ദിവസവും കഴിക്കാൻ സുരക്ഷിതമാണോ? പലരുടെയും സംശയമാണ്. ക്ഷ്യയോഗ്യമായ കൂണുകൾ ആരോഗ്യകരവും സമീകൃതവുമായ ഭക്ഷണത്തിന്റെ ഭാഗമാകാം. എന്നിരുന്നാലും, കൂണിന്റെ തരം, തയ്യാറാക്കുന്ന രീതി എന്നിവയെല്ലാം ദൈനംദിന സുരക്ഷയും ഗുണങ്ങളും നിർണ്ണയിക്കുന്നതിൽ നിർണായക പങ്ക് വഹിക്കുന്നതായി ലോകാരോഗ്യ സംഘടന വ്യക്തമാക്കുന്നു.
ദൈനംദിന ഭക്ഷണത്തിൽ കൂൺ ഉൾപ്പെടുത്തയാലുള്ള ആരോഗ്യ ഗുണങ്ങളെ കുറിച്ചറിയാം
1 . ഷിറ്റേക്ക്, മൈറ്റേക്ക് തുടങ്ങിയ കൂണുകളിൽ ബീറ്റാ, ഗ്ലൂക്കൻസ് പോലുള്ള സംയുക്തങ്ങൾ അടങ്ങിയിട്ടുണ്ട്. അത് കൊണ്ട് തന്നെ പ്രതിരോധശേഷി കൂട്ടുന്നതിന് സഹായിക്കും. അവ വെളുത്ത രക്താണുക്കളുടെ പ്രവർത്തനത്തെ ഉത്തേജിപ്പിക്കുകയും അണുബാധകളിൽ നിന്ന് ശരീരത്തെ പ്രതിരോധിക്കാൻ സഹായിക്കുകയും ചെയ്യുന്നു.
2. ചിലതരം കൂണുകൾ, പ്രത്യേകിച്ച് മുത്തുച്ചിപ്പി കൂണുകൾ, കൊളസ്ട്രോൾ കുറയ്ക്കാൻ സഹായിച്ചേക്കാം. ഇവയിലെ ഉയർന്ന പൊട്ടാസ്യം അളവ് രക്തസമ്മർദ്ദം നിയന്ത്രിക്കാൻ സഹായിക്കുന്നു.
3 . കൂണുകളിൽ കലോറി കുറവാണ്. പക്ഷേ ബി വിറ്റാമിനുകൾ , പൊട്ടാസ്യം, ചെമ്പ്, സെലിനിയം തുടങ്ങിയ അവശ്യ പോഷകങ്ങൾ ഇവയിൽ അടങ്ങിയിട്ടുണ്ട്. കോശങ്ങളെ കേടുപാടുകളിൽ നിന്ന് സംരക്ഷിക്കുന്ന ആന്റിഓക്സിഡന്റുകളും ഇവയിൽ അടങ്ങിയിട്ടുണ്ട്.
4 . കൂണിൽ പ്രീബയോട്ടിക് നാരുകൾ അടങ്ങിയിട്ടുണ്ട്. ഇത് കുടലിലെ ഗുണം ചെയ്യുന്ന ബാക്ടീരിയകളെ പോഷിപ്പിക്കുകയും ദഹനത്തെ സഹായിക്കുകയും മൊത്തത്തിലുള്ള ദഹന ആരോഗ്യത്തിന് സഹായിക്കുകയും ചെയ്യുന്നു.
