കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണന് പൊതുവാള് തിരക്കഥയെഴുതി സംവിധാനം ചെയ്യുന്ന ‘ന്നാ താന് കേസ് കൊട്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് കണ്ട് ഞെട്ടിയിരിക്കുകയാണ് ആരാധകര്. ചേറില് കുളിച്ച് നില്ക്കുന്ന തന്റെ ചിത്രം ഉള്പ്പെടുന്ന ഫസ്റ്റ് ലുക്ക് പോസ്റ്റര് താരം തന്നെയാണ് ഫെയ്സ്ബുക്ക് പോസ്റ്റിലൂടെ പുറത്തുവിട്ടത്.
കൊഴുമ്മല് രാജീവന് അഥവാ അംബാസ് രാജീവന് എന്ന കഥാപാത്രത്തെയാകും താരം ചിത്രത്തില് അവതരിപ്പിക്കുക. ആന്ഡ്രോയ്ഡ് കുഞ്ഞപ്പന്, കനകം കാമിനി കലഹം എന്നീ ശ്രദ്ധേയ ചിത്രങ്ങള്ക്കു ശേഷം രതീഷ് ബാലകൃഷ്ണന് പൊതുവാള് സംവിധാനം ചെയ്യുന്ന ചിത്രമാണിത്.
ഫെബ്രുവരി 26നാണ് സിനിമയുടെ ചിത്രീകരണം ആരംഭിച്ചത്. സന്തോഷ് ടി കുരുവിളയും ആഷിക് അബുവും ചേര്ന്നാണ് ചിത്രത്തിന്റെ നിര്മ്മാണം. തമിഴ് താരം ഗായത്രി ശങ്കര് ചിത്രത്തില് ഒരു പ്രധാന വേഷത്തില് എത്തുന്നു. ഗായത്രിയുടെ ആദ്യ മലയാള ചിത്രമാണിത്. വിനയ് ഫോര്ട്ട്, ജാഫര് ഇടുക്കി, സൈജു കുറുപ്പ് എന്നിവരും അഭിനയിക്കുന്നു.