മക്ബൂല് സല്മാനെ നായകനാക്കി സൂരജ് സുകുമാരന് നായര് സംവിധാനം ചെയ്ത റൂട്ട് മാപ്പിന്റെ ട്രെയിലര് പുറത്തുവിട്ടു. ലോക് ഡൗണ് പശ്ചാത്തലം ആക്കി നിര്മ്മിച്ച റൂട്ട് മാപ്പിന്റെ ട്രെയിലറിന് റിലീസ് ആയി കുറച്ച് സമയങ്ങള്ക്കുള്ളില് തന്നെ മികച്ച പ്രതികരണമാണ് ലഭിക്കുന്നത്. കോവിഡ് നിയന്ത്രണങ്ങള് പാലിച്ച് ‘ ഷൂട്ടിംഗ് പൂര്ത്തിയാക്കിയ റൂട്ട്മാപ്പ് റിലീസിന് ഉടന് തന്നെ എത്തും എന്നാണ് അണിയറ പ്രവര്ത്തകര് അറിയിച്ചിരിക്കുന്നത്. ലോക്ക്ഡൗണ് പശ്ചാത്തലമാക്കി നവാഗതനായ സൂരജ് സുകുമാര് നായര് സംവിധാനം ചെയ്ത ‘റൂട്ട്മാപ്പിന്റെ ചിത്രീകരണം തിരുവനന്തപുരത്തും ചെന്നൈയിലുമായിരുന്നു.
പദ്മശ്രീ മീഡിയ ഹൗസിന്റെ ബാനറില് ശബരി നാഥാണ് ചിത്രം നിര്മിച്ചിരിക്കുന്നത്. ആനന്ദ് മന്മഥന് , ഷാജു ശ്രീധര് , നോബി , ഗോപു കിരണ്, സിന്സീര് , ശ്രുതി റോഷന് , നാരായണന് കുട്ടി , ജോസ് , സജീര് സുബൈര് , ലിന്ഡ , അപര്ണ , ഭദ്ര എന്നിവര് പ്രധാനവേഷങ്ങളില് അഭിനയിച്ച റൂട്ട്മാപ്പ് കോവിഡ് കാലത്ത് രണ്ടു ഫ്ലാറ്റുകളിലായി നടക്കുന്ന ചില സംഭവങ്ങളാണ് പ്രമേയമാക്കിയിട്ടുള്ളത്.
അരുണ് കായംകുളമാണ് ചിത്രത്തിന്റെ തിരക്കഥ എഴുതിയിരിക്കുന്നത്. ആഷിഖ് ബാബു ഛായാഗ്രഹണവും , കൈലാഷ് എസ് ഭവന് എഡിറ്റിംഗും നിര്വഹിക്കുന്ന ചിത്രത്തിന് സംഗീതമൊരുക്കുന്നത് പ്രശാന്ത് കര്മയും , അശ്വിന് വര്മയും ചേര്ന്നാണ്. സുനിത സുനിലാണ് പി.ആര്.ഒ.