ഹൈബ്രിഡ് കഞ്ചാവ് കേസിൽ നടൻ ഷൈൻ ടോം ചാക്കോയും, ശ്രീനാഥ് ഭാസിയും ചോദ്യം ചെയ്യലിന് ഹാജരായി. ഷൈൻ ആലപ്പുഴ എക്സൈസിന് മുൻപാകെ നിബന്ധനയോടെയാണ് ഹാജരായത്. നടന്റെ നിബന്ധന എന്നത്, ഒരു മണിക്കൂറിനകം ചോദ്യം ചെയ്യൽ പൂർത്തിയാക്കണമെന്നാണ്. ബംഗളുരുവിലെ ഡി അഡിക്ഷൻ സെന്ററിൽ ചികിത്സയിലിരിക്കെയാണ് താൻ ചോദ്യം ചെയ്യലിന് ഹാജരായതെന്നും ഉടൻ മടങ്ങണമെന്നുമാണ്നടൻ ഉദ്യോഗസ്ഥരെ അറിയിച്ചത്.
ഷൈനിനെ കൂടാതെ ശ്രീനാഥ് ഭാസിയും ചോദ്യം ചെയ്യലിന് ഹാജരായി. കുറച്ചു സമയം മുൻപാണ് ഇരുവരും ചോദ്യം ചെയ്യലിന് ഹാജരായത്. രാവിലെ വിമാനമാർഗ്ഗമാണ് ഷൈൻ കൊച്ചിയിൽ എത്തിയത്. ഹൈബ്രിഡ് കഞ്ചാവ് കേസിലെ സിനിമ ബന്ധം തെളിയിക്കാനാണ് താരങ്ങളായ ഷൈന് ടോം ചാക്കോയെയും, ശ്രീനാഥ് ഭാസിയെയും എക്സൈസ് ചോദ്യം ചെയ്യുന്നത്.
ഈ കേസിലെ മുഖ്യപ്രതികളായ തസ്ലീമ സുല്ത്താനയും, ഭര്ത്താവ് സുല്ത്താനും നല്കിയ മൊഴിയുടെ അടിസ്ഥാനത്തിലും പ്രതികളില് നിന്ന് ലഭിച്ച ചില ഡിജിറ്റല് തെളിവുകള് അടിസ്ഥാനത്തിലാവും എക്സൈസ് താരങ്ങളെ ചോദ്യം ചെയ്യുക,
