വിവാഹ ശേഷം അഭിനയ രംഗത്തോട് വിട പറഞ്ഞ നടിമാരില്‍ ഒരാളായിരുന്നു നിത്യ ദാസ്.. ആ വാര്‍ത്ത ആരാധകരെ നിരാശയിലാക്കിയിരുന്നു.. അതുകൊണ്ട് തന്നെ നിത്യയുടെ തിരിച്ച് വരവും ആരാധകരില്‍ തീര്‍ത്ത സന്തോഷം വളരെ വലുതാണ്.. നായികയായി മലയാള സിനിമയില്‍ തിളങ്ങിയ താരം, വിവാഹശേഷം കുടുംബവും കുട്ടികളുമായി അഭിനയത്തോട് വിട പറഞ്ഞിരുന്നു. എന്നാല്‍ ഇപ്പോള്‍ പള്ളിമണി എന്ന മലയാള ചിത്രത്തിലൂടെ വീണ്ടും ബിഗ് സ്‌ക്രീനിലേക്ക് തിരിച്ചെത്തുകയാണ് നിത്യ ദാസ്..
വീണ്ടും സിനിമയില്‍ എത്തുമ്പോള്‍ നിത്യയും വളരെ ആകാംക്ഷയിലാണ്.. തന്റെ സിനിമകള്‍ ഒന്നും മക്കള്‍ അങ്ങനെ കണ്ടിട്ടില്ലെന്നാണ് നിത്യ ദാസ് പറയുന്നത്. പറക്കും തളികയോ മറ്റൊ മകള്‍ കണ്ടിട്ടുണ്ട്.. ഞാന്‍ വീണ്ടും സിനിമയിലേക്ക് തിരിച്ച് വരുന്നതും ബിഗ് സ്‌ക്രീനില്‍ തന്റെ മുഖം തെളിയുന്നതുമെല്ലാം മക്കള്‍ക്ക് പുതിയ ഒരു അനുഭവം ആയിരിക്കുമെന്നാണ് നിത്യാ ദാസ് പറയുന്നത്. മകള്‍ക്ക് എന്തായാലും ഇതൊരു പുതിയ അനുഭവം ആയിരിക്കുമെന്നാണ് നിത്യ പറയുന്നത്. പതിനഞ്ച് വര്‍ഷത്തിന് ശേഷമാണ് നടി വീണ്ടും മറ്റൊരു സിനിമയുടെ ഭാഗമാകുന്നത്.
പതിനഞ്ച് വര്‍ഷം സിനിമയില്‍ നിന്ന് മാറി നിന്നു എന്ന ഫീല്‍ തനിക്ക് തോന്നിയിട്ടില്ലെന്നാണ് നിത്യ പറയുന്നത്. അനില്‍ കുമ്പഴ സംവിധാനം ചെയ്യുന്ന സൈക്കോ ഹൊറര്‍ ത്രില്ലര്‍ ചിത്രമായ പള്ളിമണിയിലൂടെയാണ് നിത്യ വീണ്ടും തിരിച്ചുവരവിന് ഒരുങ്ങുന്നത്. ശ്വേതാ മേനോന്‍, കൈലാഷ്, ദിനേശ് പണിക്കര്‍, ഹരികൃഷ്ണന്‍ തുടങ്ങി വന്‍താര നിര അണിനിരക്കുന്ന സിനിമയാണ് പള്ളിമണി. സിനിമയുടെ വിശേഷങ്ങളും മറ്റ് ചാലഞ്ച് വീഡിയോകളും സോഷ്യല്‍ മീഡിയയില്‍ ശ്രദ്ധ നേടുന്നുണ്ട്.
പള്ളിമണി എന്ന സിനിമ തനിക്ക് നല്ല അനുഭവം ആയിരുന്നു. കുറെ നാളുകള്‍ക്ക് ശേഷം വരുന്ന എനിക്ക് എല്ലാവരും ആയിട്ട് ഒന്ന് പരിചയപ്പെടാന്‍ ഒക്കെ പാടായിരുന്നു. പക്ഷേ എല്ലാവരും വളരെ കൂളായിട്ട് ഇടപഴകിയെന്നും കഥാപാത്രം ആയി മാറാന്‍ വളരെ പെട്ടെന്ന് തന്നെ സാധിച്ചെന്നും നടി പറയുന്നു. ക്ലബ് എഫ്എമ്മിന് നല്‍കിയ അഭിമുഖത്തിലാണ് നിത്യ പുതിയ വിശേഷങ്ങള്‍ പങ്കുവെച്ചത്.
