ഇന്നലെയാണ് നാനി നായകനായ ചിത്രം ‘ദസറ’ റിലീസിനെത്തിയത്. ആദ്യ ദിനം തന്നെ ചിത്രം മികച്ച പ്രതികരണങ്ങളുമായാണ് കടന്നുപോവുന്നത്.ഇപ്പോഴിതാ നടൻ നാനിക്ക് അഭിനന്ദനങ്ങളറിയിച്ച് എത്തിയിരിക്കുകയാണ് നടി നിവേദ തോമസ്. നാനിയെ ഓർത്ത് അഭിമാനിക്കുന്നുവെന്നും നടന്റെ ഏറ്റവും മികച്ച പ്രകടനമാണ് ദസറയിലെ ധരണിയെന്നും നിവേദ സോഷ്യൽ മീഡിയയിൽ കുറിച്ചു.
‘ഇത്രയധികം റിലീസുകൾക്ക് ശേഷവും, ആ ഊർജ്ജവും ഈ പുഞ്ചിരിയും ഒരിക്കലും മാറുന്നില്ല. നിങ്ങൾ കേൾക്കുന്നതെല്ലാം, നിങ്ങൾ വായിക്കുന്ന ഓരോ വരിയും ധരണിയെക്കുറിച്ച് എഴുതിയതാണ്, നിങ്ങൾ പ്രശംസ അർഹിക്കുന്നു. നിങ്ങളുടെ ഏറ്റവും മികച്ച നാനിയെ നിങ്ങൾ പ്രേക്ഷകർക്ക് മുന്നിൽ എത്തിച്ചു. നിങ്ങളെ ഓർത്ത് അഭിമാനം തോന്നുന്നു,’ ഇതാണ് നാനിയെ കുറിച്ച് നിവേദ കുറിച്ചത്.
ശ്രീകാന്ത് ഒധേലയാണ് ചിത്രം തിരക്കഥ എഴുതി സംവിധാനം ചെയ്ത സിനിമയാണ് ദസറ. ജെല്ല ശ്രീനാഥ്, അർജുന പതുരി, വംശികൃഷ്ണ പി എന്നിവർ സഹ തിരക്കഥാകൃത്തുക്കളുമാണ്.കീർത്തി സുരേഷാണ് ചിത്രത്തിലെ നായിക.സിങ്കരേണി കൽക്കരി ഖനിയുടെ പശ്ചാത്തലത്തിലാണ് ദസറ ഒരുക്കിയിരിക്കുന്നത്.ശ്രീ ലക്ഷ്മി വെങ്കിടേശ്വര സിനിമാസിന്റെ ബാനറിൽ സുധാകർ ചെറുകൂരിയാണ് ദസറ നിർമ്മിച്ചിരിക്കുന്നത്.
#dasara
Even after so many releases,that nervous energy & this smile never gets old! All that you’re hearing, every line you’re reading that’s written about Dharani,you absolutely deserve!You have reinvented your best Naniii.
Proud of you. So proud! So proud 🙂 @NameisNani ♥️ pic.twitter.com/Hwrl2mth3C— Nivetha Thomas (@i_nivethathomas) March 30, 2023