ലാല്‍ജോസിന്റെ ഡയമണ്ട് നെക്ലേസ് എന്ന ചിത്രത്തിലൂടെ പ്രേക്ഷകരുടെ പ്രിയങ്കരിയായ താരമാണ് നടി അനുശ്രീ. പിന്നീട് നിരവധി നല്ല വേഷങ്ങളാണ് അനുശ്രീയെ തേടിയെത്തിയത്. നാടന്‍ വേഷങ്ങളിലൂടെ ശ്രദ്ധേയായ താരം വളരെ പെട്ടെന്നാണ് മേക്കോവര്‍ നടത്തി സുന്ദരിയായത്. ഇപ്പോഴിതാ പ്രണയത്തെ കുറിച്ച് അനുശ്രീ പറഞ്ഞ വാക്കുകളാണ് വൈറലാകുന്നത്.
അനുശ്രീയുടെ വാക്കുകള്‍-
പ്രണയം എന്നത് വളരെ നല്ല ഒരു വികാരം ആണ് എനിക്കും അത് ഇഷ്ട്ടം ആണ്. എന്നാല്‍ പ്രണയം ആയാലും മറ്റ് ഏത് ബന്ധം ആയാലും നമ്മളെ ഭരിക്കാന്‍ മറ്റൊരാളെ നമ്മള്‍ അനുവദിക്കരുത്. എവിടെ പോകുന്നു? എന്തിന് പോകുന്നു? എന്നിങ്ങനെയുള്ള ചോദ്യങ്ങള്‍ പോലും പലപ്പോഴും ബോറാണ്.നമ്മള്‍ എന്ത് ചെയ്യുന്നെന്നും എവിടെ പോകുന്നെന്നും മറ്റൊരാളോട് വെളിപ്പെടുത്തിയിട്ട് അവരുടെ സ്നേഹം നിലനിര്‍ത്തേണ്ട കാര്യം ഇല്ലല്ലോ. അങ്ങനെ ചെയ്യുന്നത് ഒരു തരാം അഡ്ജസ്റ്റ്‌മെന്റ് അല്ലെ. അതിനു തീരെ താല്‍പ്പര്യം ഇല്ലാത്ത ആളാണ് ഞാന്‍.
മറ്റൊരാള്‍ക്ക് വരിഞ്ഞു മുറുക്കാന്‍ ഞാന്‍ നിന്ന് കൊടുക്കത്തുമില്ല. പ്രണയം എന്ന് പറയുമ്പോള്‍ അതില്‍ രണ്ടുപേരും പരസ്പ്പരം നല്ല സുഹൃത്തുക്കള്‍ ആയിരിക്കണം. എന്ത് ചെയ്യാനും പരസ്പ്പരം കട്ട സപ്പോര്‍ട്ട് ആയിരിക്കണം. ഞാന്‍ എങ്ങനെയായിരിക്കും തിരിച്ച് എന്നോടും അങ്ങനെത്തന്നെ ആവണം എന്നൊരു ആഗ്രഹം ഉണ്ട്.
ഒരാളെ എന്റെ ജീവിതത്തിലേക്ക് കൂട്ടണം എന്ന് എനിക്ക് തോന്നിയാല്‍ തീര്‍ച്ചയായും എന്റെ സുഹൃത്തുക്കളില്‍ ഒരാളെ മാത്രമേ ഞാന്‍ കൂടെ കൂട്ടു. സ്‌കൂളില്‍ ഒക്കെ പഠിക്കുമ്പോള്‍ ബ്രേക്ക്അപ്പ് ഒക്കെ ഉണ്ടായിട്ടുണ്ട്. അന്ന് ഇന്നത്തെ പോലെ ചിന്തിക്കാനൊന്നും നമ്മള്‍ പ്രാപ്തര്‍ അല്ലായിരുന്നല്ലോ.
