വീണ്ടും മേയ്ക്കോവർ കൊണ്ട് ചിയാൻ വിക്രം ഞെട്ടിക്കുന്ന പാ രഞ്‍ജിത്ത് ചിത്രം തങ്കലാൻ എത്തുന്നതിനുള്ള കാത്തിരിപ്പിലാണ് ആരാധകർ. ഇതുവരെ അദ്ദേഹം നടത്തിയ ഏത് മേക്കോവറുകളേക്കാളും മുകളിൽ നിൽക്കുന്നതാണ് തലങ്കലാനിലെ വേഷമെന്നാണ് വിവരങ്ങൾ. . ഇപ്പോഴിതാ ആരാധകർ കാത്തിരുന്ന ചിത്രത്തിൻറെ ടീസർ പുറത്ത് എത്തിയിട്ടുണ്ട്. ചിത്രത്തിൻറെ റിലീസ് തീയതി നേരത്തെ പുറത്ത് വിട്ടിരുന്നു. കഴിഞ്ഞ ദിവസം പുറത്തിറങ്ങിയ ടീസറിലും ഗംഭീര വിഷ്വലുകളാണ് ഉണ്ടായിരുന്നത്.
വിക്രം, മാളവിക മോഹൻ അടക്കം വലിയ താരനിര തന്നെ ചിത്രത്തിലൂണ്ട്. വൻ യുദ്ധ രംഗങ്ങളും ചിത്രത്തിൻറെ ടീസറിൽ കാണാം. ജി വി പ്രകാശ് കുമാറാണ് ചിത്രത്തിൻറെ സംഗീതം. അത്യാഗ്രഹം വിനാശത്തിലേക്ക് നയിക്കും, രക്തയുദ്ധങ്ങൾ സ്വതന്ത്ര്യത്തിലേക്ക് നയിക്കും, ദൈവ മകൻറെ ഉദയം എന്നീ ക്യാപ്ഷനുകൾ ടീസറിൽ എഴുതി കാണിക്കുന്നത്. അതേസമയം, ചിത്രത്തെ കുറിച്ച് വിക്രം പറഞ്ഞ കാര്യങ്ങളും ശ്രദ്ധ നേടുന്നുണ്ട്. ടീസർ ലോഞ്ച് ചടങ്ങിനിടെ വിക്രം മാധ്യമങ്ങളോട് സംസാരിക്കവെയാണ് തങ്കലാനെ കുറിച്ച് മനസ് തുറന്നത്.
ചിത്രത്തിലെ തന്റെ കഥാപാത്രത്തിന് സംഭാഷണങ്ങളൊന്നുമില്ലെന്നാണ് വിക്രത്തിന്റെ വെളിപ്പെടുത്തിൽ. ഈ വെളിപ്പെടുത്തൽ സോഷ്യൽ മീഡിയയിൽ വലിയ ചർച്ച ആയിട്ടുണ്ട്. 2024 ജനുവരി 26 നാണ് തങ്കലാൻ റിലീസ് ചെയ്യുന്നത്. സ്റ്റുഡിയോ ഗ്രീനിന്റെയും നീലം പ്രൊഡക്ഷൻസിന്റെയും ബാനറിലാണ് വിക്രം നായകനാകുന്ന തങ്കലാൻ ഒരുങ്ങുന്നത്. സംവിധായകൻ പാ രഞ്‍ജിത്തിന്റെ പുതിയ ചിത്രത്തിൻറെ പശ്ചാത്തലം കർണാടകത്തിലെ കോളാർ ഗോൾഡ് ഫീൽഡ്‍സ് ആണ് എന്ന് നേരത്തെ റിപ്പോർട്ടുകൾ വന്നിരുന്നു.
പത്തൊമ്പതാം നൂറ്റാണ്ടിൽ ബ്രിട്ടീഷ് കാലഘട്ടത്തിൽ കോളാർ ഗോൾഡ് ഫീൽഡ്‍സിൽ നടന്ന ഒരു സംഭവത്തെ ആസ്‍പദമാക്കിയാണ് ‘തങ്കലാൻ’ ഒരുക്കിയിട്ടുള്ളതെന്നാണ് റിപ്പോർട്ടുകൾ. പാർവതി തിരുവോത്തും മാളവിക മോഹനും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. പശുപതി, ഹരി കൃഷ്‍ണൻ, അൻപു ദുരൈ തുടങ്ങി വലിയ താര നിരയും ഒപ്പമുണ്ട്. ഛായാഗ്രാഹണം എ കിഷോറാണ്
