ഇന്ത്യയിലെ ടോപ് സിംഗേഴ്സിന്റെ ലിസ്റ്റെടുത്തൽ അതിൽ നമ്മുടെ മനസിലേക്ക് ആദ്യം എത്തുന്ന പേരാണ് ശ്രയ ഘോഷാലിന്റെത്. എന്നാൽ ഏറ്റവും സമ്പന്നയായ ഗായിക ഏതെന്നു ചോദിച്ചാലോ ? ഒരു പാട്ട് പാടുന്നതിന് ശ്രീയ ഘോഷാൽ വാങ്ങുന്ന പ്രതിഫലം 25 ലക്ഷം രൂപയാണ് . എന്നാൽ ഇന്ത്യയിലെ ഏറ്റവും ധനികയായ ഗായിക ആരെന്ന് ചോദിച്ചാൽ അത് ശ്രയ അല്ല, പഞ്ചാബി ഗായികയായ തുളസി കുമാറാണ് . അതായത് ഇന്ത്യയിലെ പ്രശസ്ത ഗായികയായ ശ്രയ ഘോഷാലിനേയും പിന്തള്ളി സമ്പന്ന ഗായകരിൽ മുൻപന്തിയിൽ എത്തിയിരിക്കുകയാണ് ഗായിക തുളസി കുമാർ . ഇനി തുളസി കുമാർ ആരാണെന്നല്ലേ ?
ടി സീരീസ് നിയന്ത്രിക്കുന്ന കുമാർ കുടുംബത്തിലെ അംഗമാണ് തുളസി . ഗായികയുടെ ആസ്തി ഏകദേശം 210 കോടി രൂപ ആണെന്നാണ് പുറത്തുവരുന്ന റിപോർട്ടുകൾ . മ്യൂസിക് ഫീൽഡിൽ അത്ര സജീവമല്ലെങ്കിലും തുളസി പാടിയ പാട്ടുകളെല്ലാം ഹിറ്റ് ആണ് . ഭൂൽ ഭുലയ്യ , റെഡ്ഡി, ദബാംഗ് , കബീർ സിംഗ് , സത്യപ്രേമ് കി കഥ, ആഷിഖി 2 തുടങ്ങി നിരവധി ചിത്രങ്ങൾക്കായി തുളസി ഗാനങ്ങൾ ആലപിച്ചിട്ടുണ്ട് .
ഒരു പട്ടു പാടുന്നതിന് ശ്രീയ ഘോഷാൽ വാങ്ങുന്ന പ്രതിഫലം 25 ലക്ഷം രൂപയാണെങ്കിൽ 7-10 ലക്ഷം രൂപയാണ് ഒരു ട്രാക്ക് പാടുന്നതിനു തുളസി കുമാർ വാങ്ങുന്ന പ്രതിഫലം .
എന്നാൽ രാജ്യത്തെ സമ്പന്ന ഗായികമാരുടെ കണക്കെടുക്കുമ്പോൾ ശ്രീയ ഘോഷാൽ , സുനിധി ചൗഹാൻ , നേഹ കാക്കെർ , തുടങ്ങി നിരവധി പേരുകൾ ഉയർന്നു വന്നെങ്കിലും അവരെയെല്ലാം പിന്തള്ളിയാണ് തുളസി കുമാർ ഒന്നാമത് എത്തിയത് .ശ്രയ ഘോഷാൽ 25 ലക്ഷവും സുനിധി ചൗഹാൻ 20 -22 ലക്ഷവും, നേഹ കാക്കെർ 10 മുതൽ 15 ലക്ഷം പ്രതിഫലം വാങ്ങുമ്പോൾ ഇവരിൽ നിന്നെല്ലാം കുറവ് പ്രതിഫലം വാങ്ങുന്ന തുളസി സമ്പത്തിൽ ഒന്നാം സ്ഥാനത്ത് എത്തിയത് കുടുംബ ബിസിനൺസിൽ നിന്നുള്ള വരുമാനം കൊണ്ട് കൂടിയാണ് . ടി സീരിസിന്റെ കിഡ്സ് ഹുഡ് എന്ന യൂട്യൂബ് ചാനലും തുളസിയുടെ പേരിലാണ് . 210 കോടിയാണ് നിലവിൽ തുളസിയുടെ ആസ്തി. 180 കോടി മുതൽ 185 കോടി രൂപയാണ് ശ്രേയ ഘോഷാലിന്റെ ആസ്തി . 100 മുതൽ 110 കോടി വരെയാണ് സുനിധി ചൗഹാന്റെ ആസ്തിയായി കണക്കാക്കുന്നത് . ആശാ ഭോസ്ലെയാണ് നാലാം സ്ഥാനത്തുള്ളത് .
എന്നാൽ പ്രശസ്ത ഗായിക ശ്രീയ ഘോഷാലിന്റെ പാട്ടിലേക്കുള്ള യാത്ര തുടങ്ങിയത് സീ ടീവിയിൽ സംപ്രേഷണം ചെയ്ത മ്യൂസിക് റിയാലിറ്റി ഷോ ആയ സരിഗമപയിലെ വിജയിആയതിലൂടെ ആയിരുന്നു . എന്നാൽ തുളസി കരിയർ തുടങ്ങിയത് ഒരു റേഡിയോ ജോക്കിയായിട്ടായിരുന്നു . ഒരു സിനിമ പാരമ്പര്യമുള്ള കുടുംബത്തിൽ നിന്നാണ് തുളസി വരുന്നത് . ഇന്ത്യയിലെ തന്നെ പ്രമുഖ മ്യൂസിക് ലേബലും ഫിലിം പ്രൊഡക്ഷൻ കമ്പനിയുമായ ടി സീരിസ് ന്റെ ഉടമയാണ് തുളസിയുടെ അച്ഛൻ ഗുൽഷൻ കുമാർ . മാത്രമല്ല ഇന്ന് നടിയായും ഗായിക എന്ന നിലയിലും പ്രശസ്തയായ താരമാണ് തുളസി കുമാർ .
“സോച് ന സകേ, തേരാ ബൻ ജാവൂങ്കാ, ഓ സഖി സഖി, തേരെ നാൽ തുടങ്ങി ഹിറ്റ് ഗാനങ്ങൾ തുളസിയുടേതാണ് .
എന്നാൽ ശ്രയ ഘോഷാൽ തന്റെ 16ആം വയസിലാണ് ആദ്യമായി ബോളിവുഡിലേക്ക് ചുവടുവെക്കുന്നത് . 2002 ൽ പുറത്തിറങ്ങിയ ഐശ്വര്യ റായ്- സഞ്ജയ് ലീല ബൻസാലി ചിത്രം ദേവദാസിലൂടെയാണ് അരങ്ങേറ്റം കുറിക്കുന്നത് . അരങ്ങേറ്റം കുറിച്ച ആദ്യ ചിത്രത്തിൽ തന്നെ ശ്രീയ പാടിയ ഗാനത്തിന് നാഷണൽ അവാർഡ് , ഏറ്റവും മികച്ച പിന്നണി ഗായികയ്ക്കുള്ള ഫിൽംഫൈർ അവാർഡ് , ഫിലിം ഫൈറിന്റെ പുതിയ സംഗീത പ്രതിഭക്കുള്ള ആർ ഡി ബർമൻ അവാർഡ് എന്നിവ ലഭിച്ചു . പിനീട് ശ്രയ ബോളിവുഡിൽ തന്നെ മികച്ച പിന്നണി ഗായികയായി ശ്രദ്ധ നേടി . ഹിന്ദി , ഉർദു , ബംഗാളി , ഭോജ്പുരി , കന്നഡ , ഓടിയ , മലയാളം , പഞ്ചാബി , തെലുഗ് , മറാത്തി , ആസാമീസ് തുടങ്ങി ഇംഗ്ലീഷിലും ഗാനം ആലപിച്ചിട്ടുണ്ട് . ഇന്ത്യയിലെമികച്ച ഗായികയ്ക്കുള്ള ദേശീയ അവാർഡ് 2002 , 2005 , 2007 , 2008, 2021 എന്നീ വര്ഷങ്ങളിലഭിച്ചു .
എന്നാൽ തുളസി കുമാർ തന്റെ കരിയർ തുടങ്ങുന്നത് 2006 ൽ പുറത്തിറങ്ങിയ പ്രിയദർശൻ ചിത്രം ‘ചുപ് ചുപ് കെ’ യിലൂടെയാണ്. ചിത്രത്തിലെ ഷബേ ഫിറാഖ് എന്ന ഗാനത്തിലൂടെയാണ് തുളസി ബോളിവുഡിൽ അരങ്ങേറ്റം കുറിച്ചത് . മാത്രമല്ല ചലച്ചിത്ര നിർമ്മാതാവ് ഭൂഷൺ കുമാറിന്റെയും നടി ഖുശാലി കുമാറിൻ്റെയും സഹോദരി കൂടിയാണ് തുളസി . മാത്രമല്ല നിരവധി ആൽബങ്ങളും തുളസിയുടേതായി പുറത്തിറങ്ങിയിട്ടുണ്ട് .
കുമാർ സോച്ച് നാ സാകെ , സനം രേ , നാച്ചംഗേ സാരി രാത്, വജാ തും ഹോ തുടങ്ങിയവ തുളസി പാടിയ ഹിറ്റുകളിൽ ചിലതാണ് . 2020 പുറത്തിറങ്ങിയ തൻഹായി’ ബ്ലോക്ക് ബസ്റ്റർ ഹിറ്റായിരുന്നു . ടി സീരിസ് യൂട്യൂബ് ചാനലിൽ പുറത്തുവിട്ട ഈ ഗാനം 11 Cr പ്രേക്ഷകരാണ് കണ്ടത് . തുളസി കൂടുതലും പാടിയിട്ടുള്ളത് ഹിന്ദി , ഇംഗ്ലീഷ്, ഫ്രഞ്ച് എന്നി ഭാഷകളിലാലായതുകൊണ്ട് മലയാളികൾക്ക് അത്ര സുപരിചിതയല്ല .
ഇന്റർനാഷണൽ ഇന്ത്യൻ ഫിലിം അക്കാദമി അവാർഡ് , മികച്ച ഫെമെയിൽ പ്ലേ ബാക് സിങ്ങർ , മിർച്ചി മ്യൂസിക് അവാർഡ് തുടങ്ങി ശ്രദ്ധേയമായ അവാർഡുകളും ചുരുങ്ങിയ സമയം കൊണ്ട് തുളസി സ്വന്തമാക്കി .
എന്നാൽ ഏത് ഭാഷയിൽ പാടിയാലും അതെ ഉച്ചരണത്തോടെ പാടുമെന്നതാണ് ശ്രയയെ ഇതര ഭാഷക്കാരും ഇഷ്ടപ്പെടാനുള്ള കാരണങ്ങളിൽ ഒന്ന് . പല മറുഭാഷ ഗായകർക്കും മലയാളം വഴങ്ങാൻ പ്രയാസമാണെങ്കിൽ കൂടി ശ്രയ മലയാളത്തിൽ പാടിയ ഗാനങ്ങളൊക്കെയും ഹിറ്റ് ചാർട്ടിൽ ഇടം നേടിയതാണ് . മെലഡി ക്വീൻ , ക്വീൻ ഓഫ് ബോളിവുഡ് മ്യൂസിക് , നെറ്റിങ്ഗേൾ എന്നിങ്ങനെയാണ് സംഗീതലോകം ശ്രയയെ വിളിക്കുന്നത് .
സിനിമയിൽ അഭിനയിക്കാൻ അവസരങ്ങൾ കിട്ടിയേണ്ടിൽ പോലും ശ്രേയ ഘോഷാൽ അതൊക്കെ നിരസിച്ചിരുന്നു . എന്നാൽ തുളസി കുമാർ ഗായിക എന്നതിലുപരി ഒരു നടി കൂടിയാണ് . ബോളിവുഡ് ചിത്രങ്ങളായ എയർ ലിഫ്റ്റ്, ഭൂൽ ഭുലയ്യ, ആഷിഖി 2, കബീർ സിംഗ് എക്സ്ട്രാക്ഷൻ എന്നി ചിത്രങ്ങളിലെ തുളസിയുടെ പാട്ടുകൾ മലയാളികളുടെയും ഫേവറിറ്റ് ലിസ്റ്റിൽ ഇടം നേടിയവയാണ് .
എന്നാൽ അല്ലു അർജുന്റെ പാൻ ഇന്ത്യൻ ചിത്രം പുഷ്പ 2 ലെ ‘സൂസെക്കി’ എന്ന ഡ്യുയറ്റ് അടക്കം യിമ്മിയിമ്മി, സാലിമ തുടങ്ങിയ ഗാനങ്ങൾ ഈ വർഷം ഹിറ്റ് ചാർട്ടിൽ ഇടം നേടിയ ശ്രയയുടെ ഗാനങ്ങളാണ് . കഴിഞ്ഞ വർഷം പുറത്തിറങ്ങിയ ദുൽഖർ സൽമാൻ ചിത്രം കിംഗ് ഓഫ് കൊത്തയിലെ കലാപക്കാര’ , മഞ്ജു വാര്യർ കം ബാക് ചിത്രം ഹൌ ഓൾഡ് ആർ യു വിലെ ‘വിജനതയിൽ, ചാർലിയിലെ ‘പുതുമഴയായി, സലാല മൊബൈൽസിലെ ‘ഈറൻ കാറ്റിൻ ഈണം പോലെ, തുടങ്ങിയവ മലയാളത്തിലെ ശ്രയയുടെ ചില ഹിറ്റുകളിൽ ചിലതാണ് .
എന്തൊക്കെയായാലും , ശ്രേയയുടെയും , തുളസിയുടെയും ആരാധകർ ഒരിക്കലും കുറഞ്ഞിട്ടില്ല . നല്ല നല്ല പാട്ടുകളിലൂടെയും , മികച്ച ആലാപമാനത്തിലൂടെയും അവർ ഇനിയും പ്രശസ്തി ആര്ജിക്കുമെന്നത് ഉറപ്പാണ് .
