സ്വന്തം ശരീരം സമര്പ്പിച്ച് സിനിമയില് അവസരം നേടിയെടുക്കുന്ന പലരെയും തനിക്ക് അറിയാമെന്ന് നടി ശ്രുതി രജനികാന്ത് പറയുന്നു. സിനിമയിലെ കാസ്റ്റിങ് കൗച്ചിനെ കുറിച്ചാണ് നടി പറയുന്നത്, ഒരു ഓൺലൈൻ ചാനലിന് നൽകിയ അഭിമുഖത്തിലാണ് ശ്രുതിയുടെ ഈ വെളിപ്പെടുത്തൽ. സിനിമയിൽ എന്തിനും തയാറായി പലരും വരുന്നുണ്ട്. മോളെ ഒരു രാത്രി ഇവിടെ നിര്ത്തിയിട്ട് പോകാം അവസരം കൊടുത്താല് മതിയെന്ന് പറയുന്ന അമ്മമാര് വരെയുണ്ട്. പെണ്കുട്ടികളുടെ അമ്മമാര് തന്നെ ചെന്ന് മോളെ ഒരു രാത്രി ഇവിടെ നിര്ത്തിയിട്ട് പോകാം അവസരം കൊടുത്താല് മതിയെന്ന് പറയുന്നുണ്ട്.
എനിക്ക് തന്നെ വ്യക്തിപരമായി അറിയുന്ന പല കേസുകളുണ്ട്. അത് ഞാന് പറഞ്ഞിട്ടുള്ളതാണ്. പക്ഷെ ഹേമ കമ്മിറ്റിയ്ക്ക് മൊഴി കൊടുത്തയാള് ഞാനല്ല. ഇപ്പോഴും നടക്കുന്നുണ്ട്. എനിക്ക് അറിയാം. എന്റെ പക്കല് തെളിവുകളുണ്ട്. എനിക്കും അനുഭവങ്ങള് ഉണ്ടായിട്ടുണ്ട്, താരം പറയുന്നു. പണ്ടൊക്കെ ഇവരോട് തിരിച്ച് പറയണം എന്ന് തോന്നിയിരുന്നു. എന്നാൽ ഒരു കാര്യവുമില്ല. വെറുതെ നമ്മുടെ പേരും കൂടെ ചീത്തയാക്കാ൦ . അവര് കൗണ്ടര് അറ്റാക്ക് ചെയ്യാന് വായില് വരുന്നത് പറയും. ഒന്നാമത്തെ കാര്യം പെണ്ണുങ്ങള് കൂടെ വിചാരിക്കണം. അല്ലാതെ ഈ കാര്യത്തിൽ ആണുങ്ങളെ മാത്രം കുറ്റം പറഞ്ഞിട്ട് കാര്യമില്ല. അങ്ങോട്ട് ചെന്ന് ഞങ്ങള് ഓക്കെയാണ് എന്ന് പറയുന്ന ഒരു കൂട്ടം ഉള്ളപ്പോള് നമ്മള് ഇവിടെ കിടന്ന് എത്ര ഘോരഘോരം പ്രസംഗിച്ചിട്ടും കാര്യമില്ല.
എന്നെ സമീപിക്കുമ്പോള് സിനിമയില് അവസരം തന്നില്ലെങ്കിലും കുഴപ്പമില്ലെന്ന് പറയും. എന്റെ ശരീരം സാക്രിഫൈസ് ചെയ്ത് അവസരം കിട്ടിയെന്ന് തന്നെ വെക്കുക. അതില് എനിക്ക് എന്ത് ആസ്വാദനം ആണ് കണ്ടെത്താനാവുക, എനിക്ക് എന്ത് അര്ഹതയാണുള്ളത്. എത്ര നാള് മുന്നോട്ട് പോകും, എനിക്ക് അറിയുന്നവരുണ്ട്, സാക്രിഫൈസ് ചെയ്ത ശേഷം പിന്നീട് അവസരം കിട്ടാത്തവരായി.അങ്ങനെ അവസരം കിട്ടി ഒരു പൊസിഷനില് എത്തിയെന്ന് കരുതുക. ഒരു രാത്രിയെങ്കിലും കുറ്റബോധമില്ലാതെ കിടന്നുറങ്ങാന് പറ്റുമോ? എന്റെ കഴിവു കൊണ്ടാണ് ഞാന് ഇവിടെ വരെ എത്തിയതെന്ന് വിചിരാക്കാന് പറ്റുമോ? ശ്രുതി ചോദിക്കുന്നു.
