പ്രഭാതഭക്ഷണത്തിൽ പലരും ഉൾപ്പെടുത്താറുള്ള ഭക്ഷണമാണ് മുട്ട. പ്രോട്ടീനും മറ്റ് പോഷകങ്ങളും അടങ്ങിയ മുട്ട ഏറെ ആരോഗ്യകരമായ ഭക്ഷണമാണ്. മുട്ടയിൽ പ്രോട്ടീൻ, അവശ്യ അമിനോ ആസിഡുകളും അടങ്ങിയിട്ടുണ്ട്. തലച്ചോറിന്റെ പ്രവർത്തനത്തിനും വികാസത്തിനും പ്രധാനമായ വിറ്റാമിൻ ബി 12, ഡി, എ, ഇ, കോളിൻ എന്നിവയും മുട്ടയിലുണ്ട്. മുട്ട പലരീതിയിൽ കഴിക്കുന്നവരുണ്ട്. ഏത് രീതിയിൽ കഴിക്കുന്നതാണ് കൂടുതൽ ആരോഗ്യകരം? മുട്ട വേവിച്ച് കഴിക്കുന്നത് ഏറെ നല്ലതാണ്. കാരണം ഇങ്ങനെ കഴിക്കുന്നത് കലോറി കുറയ്ക്കും. കൂടാതെ, പ്രോട്ടീനും കൂടുതലാണ്.
അധിക എണ്ണയോ നെയ്യോ ചേർക്കാതെ തന്നെ മുട്ട തയ്യാറാക്കി എടുക്കുക. കുറഞ്ഞ എണ്ണ ഉപയോഗിക്കുകയും ചീര, തക്കാളി, കുരുമുളക് തുടങ്ങിയ പച്ചക്കറികൾ ചേർക്കുകയും ചെയ്യുന്നത് നാരുകൾ, വിറ്റാമിനുകൾ, ആന്റിഓക്സിഡന്റുകൾ എന്നിവ വർദ്ധിപ്പിക്കുകയും ചെയ്യുന്നു. ഇതാണ് സ്ക്രാംബിൾഡ് മുട്ടകളെ മുട്ട കഴിക്കാനുള്ള ഏറ്റവും ആരോഗ്യകരമായ മാർഗങ്ങളിലൊന്നാക്കി മാറ്റുന്നത്.
മുട്ട സാലഡ് മറ്റൊരു ആരോഗ്യകരമായ രീതി. ഗ്രീക്ക് തൈര ഉപയോഗിച്ച് സാലഡ് തയ്യാറാക്കുക. മയോണൈസിന് പകരം ഗ്രീക്ക് തൈര് ഉപയോഗിക്കുന്നത് അനാരോഗ്യകരമായ കൊഴുപ്പ് കുറയ്ക്കുകയും പ്രോബയോട്ടിക്സ് ചേർക്കുകയും ചെയ്യുന്നു. മുട്ട കഴിക്കാനുള്ള ഏറ്റവും ആരോഗ്യകരമായ മാർഗങ്ങളിലൊന്നാണ് ഈ മുട്ട സാലഡ് ഉണ്ടാക്കുന്നത്.
