ദുല്ഖര് സല്മാന് പ്രധാന വേഷത്തിലെത്തുന്ന ‘സീതാരാമം’ എന്ന ചിത്രത്തിലെ പുതിയ ഗാനം പുറത്തുവിട്ടു. സോണി മ്യൂസിക് സൗത്ത് യൂട്യൂബ് ചാനലിലൂടെയാണ് ഗാനം റിലീസ് ചെയ്തിരിക്കുന്നത്. തെലുങ്ക് ഗാനത്തിന്റെ ലിറിക്കല് വീഡിയോയാണ് പുറത്തുവിട്ടിരിക്കുന്നത്. അനുരാഗ് കുല്ക്കര്ണ്, സിന്ദുരി എസ് എന്നിവര് ചേര്ന്നാണ് ഗാനം പാടിയിരിക്കുന്നത്. വൈജയന്തി മൂവീസിന്റെ ബാനറില് അശ്വിനി ദത്തും പ്രിയങ്ക ദത്തും ചേര്ന്നാണ് നിര്മാണം.
1965ല് റാം എന്ന പട്ടാളക്കാരനും സീത എന്ന പെണ്കുട്ടിയും തമ്മിലുണ്ടാകുന്ന പ്രണയമാണ് സിനിമയുടെ പ്രമേയം. ദുല്ഖര് സല്മാന് റാം ആയും മൃണാല് താക്കൂര് സീതയായുമാണ് ചിത്രത്തിലെത്തുന്നത്.
അഫ്രീന് എന്ന കഥാപാത്രമായി രശ്മിക മന്ദാനയും ചിത്രത്തില് ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നു. ഹാനു രാഘവപുഡിയാണ് ഈ ബിഗ് ബജറ്റ് ചിത്രത്തിന്റെ സംവിധായകന്. ഹനു രാഘവപ്പുടിക്കൊപ്പം ജയ് കൃഷ്ണയും രാജ് കുമാര് കണ്ടമുഡിയും ചേര്ന്നാണ് സംഭാഷണങ്ങള് ഒരുക്കിയിരിക്കുന്നത്. എഡിറ്റിങ് കോതഗിരി വെങ്കടേശ്വര റാവു, ഛായാഗ്രഹണം പി.എസ്. വിനോദ്, ശ്രേയസ് കൃഷ്ണ, പ്രൊഡക്ഷന് ഡിസൈനര് സുനില് ബാബു.