കൊല്ലം കളക്ടറേട്ടിലെ കോൺഫറൻസ് ഹാളിൽ ഓണാഘോഷം തിമിർക്കുന്നതിനിടെയാണ്‌, ജീവനക്കാർ നിർബന്ധിച്ചപ്പോൾ കളക്ടർ അഫ്സാന പർവീണും പാട്ടിനൊപ്പം ചുവടുവെച്ചത് . ‘ഓണപ്പാട്ടിൽ താളം തുള്ളും തുമ്പപ്പൂവേ…’ എന്ന പാട്ടിൽ പതിഞ്ഞുതുടങ്ങിയ ചുവടുകൾ തട്ടുപൊളിപ്പൻ പാട്ടിലേക്ക് വഴിമാറി. കൂളിങ് ഗ്ലാസ് വെച്ച് കളക്ടർ അൽപ്പനേരം ഫ്രീക്കതീയായി.
അഞ്ചുവയസ്സുള്ള മകൻ അമാൻ മാലിക് ആഘോഷപരിപാടിയിൽ പങ്കാളിയായി. നേരത്തേ കളക്ടർ അഫ്സാന പർവീൺ ഓണാഘോഷപരിപാടികൾ ഉദ്ഘാടനം ചെയ്തു. കളക്ടറേറ്റിലും സിവിൽ സ്റ്റേഷനിലെ വിവിധ ഓഫീസുകളിലും പൂക്കളങ്ങൾ ഒരുക്കി. വിഭവസമൃദ്ധമായ ഓണസദ്യയും ഓഫീസുകളിൽ തയ്യാറാക്കിയിരുന്നു. മാവേലിവേഷധാരിയും ആഘോഷത്തിന്റെ മാറ്റുകൂട്ടി. കളക്ടർ അഫ്സാന പർവീണിന്റെ നേതൃത്വത്തിൽ ജീവനക്കാർ വടംവലി മത്സരം സംഘടിപ്പിച്ചു. വിവിധ വകുപ്പുകളുടെ നേതൃത്വത്തിൽ ജീവനക്കാർക്കായി ഓണക്കളികളും നടത്തി.നേരത്തെയും ചില പരിപാടികളിൽ കളക്ടർ അഫ്സാന പ്രവീൺ നാട്ടിപ്പാട്ടുകൾക്കൊപ്പം പാടുകയും ചുവട്‌വെക്കുകയുമൊക്കെ ചെയ്തിട്ടുണ്ട്.
