സ്വച്ഛ് ഭാരത് ഉള്‍പ്പെടെയുള്ള ശുചിത്വ സമ്പ്രദായങ്ങള്‍ പ്രോത്സാഹിപ്പിക്കുന്നതിനായി ഇന്ത്യയില്‍ നിരവധി കാമ്പെയ്നുകള്‍ ഉണ്ട്. എന്നാല്‍ ഇന്ത്യക്കാര്‍ മാറിയിട്ടില്ല എന്നതിന്റെ തെളിവാണ് ഇപ്പോള്‍ ട്വിറ്ററില്‍ പ്രചരിക്കുന്ന വിമാനത്തിനുള്ളിലെ ഒരു ചിത്രം. വിമാനത്തിനുള്ളില്‍ ഗുട്ട്ക ചവച്ചു തുപ്പിയതിന്റെ ചിത്രം ഐഎഎസ് ഉദ്യോഗസ്ഥന്‍ അവനീഷ് ശരണ്‍ ട്വിറ്ററില്‍ പങ്കുവെച്ചു. റോഡിലും നിരത്തുകളിലും ഇത്തരം കാഴ്ചകള്‍ സാധാരണമാണെങ്കിലും വിമാനത്തിനുള്ളില്‍ നിന്ന് ഇത്തരമൊരു കാഴ്ച ആരും പ്രതീക്ഷിച്ചിരുന്നില്ല. ആരോ തങ്ങളുടെ ഐഡന്റിറ്റി ഇവിടെ ഉപേക്ഷിച്ചു എന്ന അടിക്കുറിപ്പോടെയാണ് അദ്ദേഹം ചിത്രം ട്വിറ്ററില്‍ പങ്കുവെച്ചത്. ജനലിനോട് ചേര്‍ന്നുള്ള സീറ്റിന്റെ അടിഭാഗം മുറുക്കാന്‍ തുപ്പിയിരിക്കുന്നത് കാണാം. ഇന്ത്യയിലെ ട്രെയിനുകളില്‍ ഇത്തരം കാഴ്ചകള്‍ സാധാരണമാണ്.
സോഷ്യല്‍ മീഡിയ ഒന്നടങ്കം ചിത്രം കണ്ട് രോഷാകുലരാണ്. ഇത് ചെയ്തവര്‍ക്കെതിരെ ശക്തമായ നടപടിയെടുക്കണമെന്ന് പലരും എയര്‍ലൈനിനോട് ആവശ്യപ്പെട്ടിട്ടുണ്ട്. മറ്റു ചിലര്‍ സംഭവത്തെ പരിഹസിക്കുകയും നിരവധി കമന്റുകളിടുകയും ചെയ്തിട്ടുണ്ട്.
अपनी पहचान छोड़ दी किसी ने. pic.twitter.com/xsl68VfhH1
— Awanish Sharan 🇮🇳 (@AwanishSharan) May 25, 2022
സിനിമാക്കാര്‍ പുകയില ഉല്‍പന്നങ്ങള്‍ തിരിച്ചറിയുകയും പ്രോത്സാഹിപ്പിക്കുകയും ചെയ്യുന്നതിനാല്‍ ആളുകള്‍ക്കിടയില്‍ ഗുട്ക കഴിക്കുന്ന പ്രവണത വര്‍ധിച്ചതായി ചിലര്‍ പറയുന്നു. ‘സീറ്റ് നമ്പര്‍ പരിശോധിച്ച് യാത്രക്കാരനെ വിമാനത്തില്‍ യാത്ര ചെയ്യുന്നത് നിരോധിക്കണമെന്ന് ഒരാള്‍ കമന്റ് ചെയ്തു.
