കുടുംബ പ്രേക്ഷകർക്ക് പ്രിയങ്കരരായ താരദമ്പതികളാണ് സൗഭാഗ്യ വെങ്കിടേഷും, അർജുൻ സോമശേഖരനും, ഇപ്പോളിതാ സങ്കടകരമായ ഒരു വാർത്ത പങ്കിട്ടിരിക്കുകയാണ് സൗഭാഗ്യ. ഡാന്സ് പ്രോഗ്രാം കഴിഞ്ഞ് പിറ്റേ ദിവസം സുഹൃത്തുക്കള്ക്കൊപ്പമായി റിസോര്ട്ടിലേക്ക് പോവുകയായിരുന്നു . വെക്കേഷനാണെങ്കിലും തിരക്കായതിനാല് മോളെ എങ്ങും കൊണ്ടുപോവാന് കഴിഞ്ഞിട്ടില്ല. പാര്വതിയും ബാലുവും മോനും ഈ ട്രിപ്പിലുണ്ടായിരുന്നു. ഇത് എനിക്ക് ശരിക്കും ആവശ്യമായിരുന്നു. അത്രയേറെ ടെന്ഷനായിരുന്നു അനുഭവിച്ചിരുന്നത്. മനസറിഞ്ഞ് കുറേ ചിരിച്ചിരുന്നു അന്ന്. ഇനി എന്തെങ്കിലും നെഗറ്റീവ് സംഭവിക്കുമോ എന്നോര്ത്ത് പേടിയായിരുന്നു.
അങ്ങനെയൊന്നും സംഭവിക്കില്ല, അമ്മ പറയും അങ്ങനെ ചിന്തിക്കുന്നത് കൊണ്ടാണെന്ന്. എന്നാല് വലിയൊരു സങ്കടമായിരുന്നു അതിന് ശേഷം എന്നെ കാത്തിരുന്നത്. വീട്ടിലെ പെറ്റ്സുകളില് ബര്ഫിക്കും നൈലയ്ക്കും വയ്യ എന്ന് പറഞ്ഞ് കോള് വന്നിരുന്നു. അവരെയും കൂട്ടി ഡോക്ടറെ കാണിക്കാന് പോയിരുന്നു. പുറമെ ഒന്നും കാണാനില്ലായിരുന്നു. അവര് ആക്ടീവായിരുന്നു. ആശുപത്രിയില് പോയി ഡ്രിപ്പൊക്കെ ഇട്ടിരുന്നു. അവര് ഫുഡൊന്നും കഴിക്കുന്നുണ്ടായിരുന്നില്ല. നിന്ന് കറങ്ങി ചാടിത്തിരിഞ്ഞ് കളിക്കുന്നവരായിരുന്നു അവര്.
അവരെ ഒട്ടും ആക്ടീവല്ലാതെ കണ്ടത്. അത് കണ്ടപ്പോള് എനിക്ക് ഭയങ്കര സങ്കടമായിരുന്നു. പിറ്റേന്നും ആശുപത്രിയില് പോയിരുന്നു. ആ സമയത്ത് എനിക്കൊരു നെഗറ്റീവ് അടിക്കുന്നുണ്ടായിരുന്നു. പ്രതിരോധ കുത്തിവെപ്പുകളൊക്കെ കൃത്യമായി എടുത്തിരുന്നു അവര്ക്ക്. എന്താണ് അസുഖമെന്ന് കണ്ടുപിടിക്കാന് പറ്റുന്നുണ്ടായിരുന്നില്ല. എന്തോ വൈറസ് ബാധയാണെന്ന് പിന്നെയാണ് മനസിലാക്കിയത്. അപ്പോഴേക്കും അവര് പോയി. ഏഴ് മാസം കൊണ്ട് ഞങ്ങളുടെ ഹൃദയത്തില് ഇടം നേടിയവരാണ് രണ്ടുപേരും, അവർ പോയെന്നുള്ളത് വിശ്വസിക്കാൻ കഴിയുന്നില്ല. അവര് പോയതോടെ വീടാകെ നിശബ്ദമായി, എല്ലാം അനുസരിക്കുന്നവരുടെ കൂട്ടത്തിലെ ചട്ടമ്പികളായിരുന്നു അവര്. എനിക്ക് അവരെ വളര്ത്തി കൊതി തീര്ന്നില്ലായിരുന്നു. ഏതെങ്കിലും ഒരു ജന്മത്തില് അവരെ കാണാമെന്ന് കരുതുന്നു, തന്റെ പെറ്റസിനെ കുറിച്ച് സൗഭാഗ്യ.
