അമിതവണ്ണം വിവിധ ആരോഗ്യപ്രശ്നങ്ങൾക്ക് കാരണമാകുന്നുണ്ട് . ഹൃദ്രോഗത്തിന്റെ പ്രധാന അപകടഘടകമാണ് അമിതവണ്ണം. ജീവിതശെെലിയിലെ ചില ശീലങ്ങൾ ഭാരം കൂട്ടുന്നതിന് ഇടയാക്കും. അങ്ങനെയുള്ള 6 ശീലങ്ങളെ കുറിച്ച് പറയുകയാണ് ഇവിടെ.
1. ആളുകൾ പ്രഭാതഭക്ഷണം ഒഴിവാക്കുമ്പോൾ അത് മെറ്റബോളിസത്തെയും രക്തത്തിലെ പഞ്ചസാരയുടെ സന്തുലിതാവസ്ഥയെയും ബാധിക്കുന്നു. ഇത് വിശപ്പ് ഹോർമോണുകളെ ഉത്തേജിപ്പിക്കുന്നതിനും പിന്നീട് കലോറി കൂടുതലുള്ള ഭക്ഷണങ്ങൾ അമിതമായി കഴിക്കുന്നതിലേക്ക് നയിക്കുന്നു.
2. സോഡകൾ, എനർജി ഡ്രിങ്കുകൾ, മധുരമുള്ള കാപ്പി എന്നിവയിൽ 25 മുതൽ 40 ഗ്രാം വരെ പഞ്ചസാര അടങ്ങിയിട്ടുണ്ട്. ഇത് ഇൻസുലിൻ വർദ്ധനവിന് കാരണമാവുകയും വയറു നിറഞ്ഞതായി തോന്നാതെ കൊഴുപ്പ് സംഭരിക്കുന്നതിനും ഇടയാക്കും.
3. 10 മിനിറ്റിനുള്ളിൽ വേഗത്തിൽ ഭക്ഷണം കഴിക്കുന്നത് വയറു നിറയുന്നതിന് മുമ്പ് അമിതമായ കലോറി ഉപഭോഗത്തിലേക്ക് നയിക്കുകയും ചെയ്യുന്നു.
4. ടിവി കാണുമ്പോൾ ആളുകൾ അമിതമായി ലഘുഭക്ഷണം കഴിക്കുന്നത് അവരുടെ വിശപ്പിനെക്കുറിച്ചുള്ള അവബോധം കുറയുന്നു. ഇത് ഉദ്ദേശിച്ചതിലും കൂടുതൽ സംസ്കരിച്ച ലഘുഭക്ഷണങ്ങൾ കഴിക്കുന്നതിലേക്ക് നയിക്കുന്നു.
5. നിയന്ത്രണാതീതമായ സമ്മർദ്ദം മൂലം കോർട്ടിസോളിന്റെ അളവ് വർദ്ധിക്കുന്നത് വിശപ്പ് വർദ്ധിപ്പിക്കുകയും വയറിനു ചുറ്റും കൊഴുപ്പ് അടിഞ്ഞുകൂടാൻ കാരണമാവുകയും ചെയ്യുന്നു. ഉയർന്ന കോർട്ടിസോളിന്റെ അളവ് മധുരം, കൊഴുപ്പ്, ഉപ്പിട്ട ഭക്ഷണങ്ങൾ എന്നിവ അമിതമായി കഴിക്കുന്നതിന് ഇടയാക്കും. ക്രമീകൃതമായ ഭക്ഷണ സമയത്തിലൂടെയും ശ്രദ്ധാപൂർവ്വമായ ഭക്ഷണത്തിലൂടെയും ശരീരഭാരം നിയന്ത്രിക്കുന്നതിലൂടെയും ഉപാപചയ ആരോഗ്യം ഗണ്യമായി മെച്ചപ്പെടുത്താൻ കഴിയും.
6. ഓരോ രാത്രിയും 6-7 മണിക്കൂറിൽ താഴെ ഉറങ്ങുന്നവരിൽ ഗ്രെലിൻ, ലെപ്റ്റിൻ എന്നിവയുടെ അളവ് തകരാറിലാകുന്നു. ഇത് പഞ്ചസാര അടങ്ങിയ ലഘുഭക്ഷണങ്ങൾക്കും സംസ്കരിച്ച കാർബോഹൈഡ്രേറ്റുകൾ അടങ്ങിയ ഭക്ഷണങ്ങൾ അമിതമായി കഴിക്കുന്നതിന് ഇടയാക്കും
