20 വർഷത്തെ പ്രണയത്തിനു ശേഷം അടുത്തിടെ കോവളത്തെ താജ് റിസോർട്ടിൽ വെച്ചാണ് നടി അഹാന കൃഷ്ണയും ക്യാമറാമാൻ നിമിഷ് രവിയും വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങിൽ നടൻ ദുൽഖർ സൽമാനായിരുന്നു അവതാരകൻഅഹാനയുടെ വിവാഹച്ചടങ്ങിൽ ഏറെ ശ്രദ്ധിക്കപ്പെട്ട ഒന്നായിരുന്നു വിവാഹ വേദിയിൽ ഉണ്ടായിരുന്ന അലങ്കരിച്ച വലിയൊരു മരം. പ്രതീകാത്മകമായിട്ടാണ് ഈ മരം ഉപയോഗിച്ചതു തന്നെ. വിവാഹശേഷം പുറത്തുവിട്ട വീഡിയോയിൽ ഈ മരത്തിനു പിന്നിലെ കഥ അഹാന തന്നെ പങ്കുവെയ്ക്കുന്നുണ്ട്.
വിവാഹവേദിയിലെ അലങ്കരിച്ച വലിയൊരു മരമായിരുന്നു ചടങ്ങിലെ പ്രധാന ആകർഷണം. ‘ട്രീ ഓഫ് ലൈഫ്’ (ജീവന്റെ വൃക്ഷം) എന്ന ആശയമാണ് ഇതിനു പിന്നിലുള്ളത്. വേരുകളിൽ തുടങ്ങി ശാഖകളായി പടർന്നു പന്തലിക്കുന്ന മരം പോലെ, തങ്ങളുടെ ഇതുവരെയുള്ള ജീവിത യാത്രയും സ്വപ്നങ്ങളും വളർന്നുവന്നതിന്റെ പ്രതീകമായാണ് ഇത് ഉപയോഗിച്ചത്. എത്ര മാറ്റങ്ങളുണ്ടായാലും സ്നേഹത്തിന്റെ വേരുകൾ മാറില്ല എന്ന സന്ദേശവും ഇതിലൂടെ നൽകുന്നു. സാധാരണ വിവാഹങ്ങളിൽ നിന്നും വ്യത്യസ്തമായി എന്തെങ്കിലും ചെയ്യണമെന്ന ആഗ്രഹത്തിൽ നിന്നാണ് ‘ട്രീ ഓഫ് ലൈഫ്’ എന്ന തീമിലേക്ക് എത്തിയതെന്ന് വിവാഹശേഷം പുറത്തുവിട്ട വീഡിയോയിൽ അഹാന വ്യക്തമാക്കിയിട്ടുണ്ട്.
