പൊലീസ് സ്റ്റേഷനില് എഎസ്ഐയും വനിതാ പൊലീസും തമ്മിലടി. സംഭവത്തെ തുടര്ന്ന് എഎസ്ഐ സി.ജി സജികുമാര്, വനിതാ പൊലീസ് വിദ്യാരാജന് എന്നിവരെ സസ്പെന്ഡ് ചെയ്തു. കോട്ടയം ജില്ലയിലെ പള്ളിക്കത്തോട് പൊലീസ് സ്റ്റേഷനിലാണ് സംഭവം.
പള്ളിക്കത്തോട് പൊലീസ് സ്റ്റേഷനില് കഴിഞ്ഞ ഞായറാഴ്ചയാണ് തമ്മില്ത്തല്ല് ഉണ്ടായത്. അഡീഷണല് എസ്ഐയും വനിതാ പൊലീസുകാരിയും നേരത്തെ അടുപ്പത്തിലായിരുന്നതായാണ് അന്വേഷണ ഉദ്യോഗസ്ഥര്ക്ക് ലഭിച്ച പ്രാഥമിക വിവരം. എഎസ്ഐയുടെ ഭാര്യയെ വനിതാ പൊലീസ് ഉദ്യോഗസ്ഥ ഫോണില് വിളിച്ച് സംസാരിച്ചതാണ് സംഭവങ്ങള്ക്ക് തുടക്കം. ഭാര്യയെ ഫോണില് വിളിച്ചതോടെ പ്രകോപിതനായ എഎസ്ഐ പൊലീസ് ഉദ്യോഗസ്ഥയെ ഫോണില് ബ്ലോക്ക് ചെയ്തു.
ഇതിനിടെ എഎസ്ഐ പൊലീസുകാരിയുടെ ഫോണിലേക്ക് അശ്ലീല സന്ദേശം അയച്ചു. സ്റ്റേഷനിലെത്തിയ പൊലീസുകാരി എഎസ്ഐയോട് ഇക്കാര്യം ചോദിച്ചത് വാക്കേറ്റത്തിലെത്തി. തുടര്ന്ന് മര്ദിക്കുകയുമായിരുന്നു. മറ്റു പൊലീസുകാര് ഇടപെട്ടാണ് ഇവരെ പിടിച്ചുമാറ്റിയത്. അതേസമയം മര്ദനമേറ്റ എഎസ്ഐയ്ക്കെതിരെ നേരത്തെയും സ്ത്രീ വിഷയവുമായി ബന്ധപ്പെട്ട് പരാതി ഉയര്ന്നിരുന്നുവെന്നും റിപ്പോര്ട്ടുകളുണ്ട്.